ភ្នំពេញ÷ ជនសង្ស័យម្នាក់ធ្វើសកម្មភាពលួចយកម៉ូតូបានហើយ ព្យាយាមជិះរត់គេចមកធ្លាក់ចូលប្រឡាយទឹកល្អុយ បន្សល់ទុកម៉ូតូនៅកណ្ដាលប្រឡាយលូទឹកស្អុយ ហើយជនសង្ស័យអណ្ដែតតាមទឹកទៅបាត់។
ហេតុការណ៍នេះបង្កភ្ញាក់ផ្អើលកាលវេលាម៉ោង៩និង៣០នាទីយប់ ថ្ងៃទី២៤ ខែកញ្ញា ឆ្នាំ២០២០ស្ថិតនៅចំណុចប្រឡាយលូទឹកល្អុយកំពុងសាងសង់ ក្នុងសង្កាត់ស្ទឹងមានជ័យ១ ខណ្ឌមានជ័យ។
ជនរងគ្រោះមានឈ្មោះជាដាលីន ភេទស្រីអាយុ២៥ឆ្នាំ មុខរបលក់បបរស្នាក់នៅផ្ទះជួលក្រោយទូរស្សន៍បាយ័ន សង្កាត់ស្ទឹងមានជ័យ១ ខណ្ឌមានជ័យ។
យោងតាមប្រភពពីនារីម្នាក់ជាម្ចាស់ម៉ូតូ បានឲ្យដឹងថា មុនពេលកើតហេតុបានទុកម៉ូតូស្គុប២០២០ ពណ៌សពាក់ផ្លាកលេខភ្នំពេញ 1IJ4481 បានដាក់នៅមុខផ្ទះចាក់សោក ត្រឹមត្រូវ ខណៈចូលក្នុងផ្ទះដាក់កូនសោចោលនៅលើក្បាលដំណេក ស្រាប់តែជនសង្ស័យចូលទៅយកូនសោជិះគេចខ្លួនបាត់ ហើយចេញមកវិញក៏បាត់ម៉ូតូ តែម្ដងរួចបានស្រែកឆោឡោឡើង ហើយប្រញាប់ប្រញាល់មកដាក់ពាក្យបណ្ដឹងនៅប៉ុស្តិ៍ស្ទឹងមានជ័យ រួចរាល់ហើយស្រាប់តែមិនបានប៉ុន្មានម៉ោងផង សមត្ថកិច្ចបានទាក់ទងឲ្យមកមើលម៉ូតូ ដែលបាត់ត្រូវជនសង្ស័យលួចយកទៅបាត់។ ស្រាប់តែពេលគាត់មកស្រាប់តែឃើញម៉ូតូរបស់គាត់ពិតប្រាកដមែន។
ប្រភពពីសន្តិសុខម្នាក់ដែលយាមការដ្ឋានសាងសង់លូ ឲ្យក្រុមអ្នកយកព័ត៌មានថា គាត់បានឃើញជនសង្ស័យម្នាក់វ័យប្រហែល១៦ទៅ១៧ឆ្នាំ បានជិះម៉ូតូចូលក្នុងការដ្ឋាន គាត់បានហៅឲ្យតែជនសង្ស័យមិនព្រមឈប់ទេ ដោយមានការសង្ស័យគាត់ ក ជិះម៉ូតូដេញតាមក្រោយ ធ្វើឲ្យជនសង្ស័យភ័យជិះធ្លាក់ចូលប្រឡាយលូទឹកស្អុយ បន្សល់ម៉ូតូនៅក្នុងទឹកល្អុយ ចំណែកជនសង្ស័យណ្ដែតហូរតាមទឹកទៅបាត់។
ក្រោយកើតហេតុសមត្ថកិច្ចមូលដ្ឋាន បានចុះមកដល់ចំណុចកើតហេតុ បានឲ្យរថយន្តស្ទួចយកម៉ូតូចេញពីក្នុងប្រឡាយទឹកស្អុយ យកទៅទុកនៅប៉ុស្តិ៍ស្ទឹងមានជ័យ១ រង់ចាំឲ្យជនរងគ្រោះយកឯកសារមកផ្ទៀងផ្ទាត់ និងប្រគល់ជូនវិញ៕ដោយ៖ សា មេត
