តាកែវ ៖ នៅយប់ថ្ងៃទី០៧ កុម្ភៈ ២០១៨ វេលាម៉ោង ១១ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តធំចំនួន ៣ គ្រឿង បុកគ្នាក្នុងទិសដៅស្របគ្នាពីត្បូងទៅជើង បណ្តាលអោយតៃកុងឡានម្នាក់រងរបួសធ្ងន់បញ្ជូនមកសង្គ្រោះនៅមន្ទីរពេទ្យបង្អែកក្រុងដូនកែវ ។ ហេតុការណីគ្រោះថ្នាក់ចរាចរណ៍នេះបានកើតឡើងនៅតាមបណ្តោយផ្លូវជាតិលេខ ២ ចន្លោះបង្គោលគីឡូម៉ែត្រលេខ ៧៩ – ៨០ ស្ថិតនៅក្នុងភូមិត្រាំ សង្កាត់រកាក្រៅ ក្រុងដូនកែវ ខេត្តាកែវ ។
លោក ឥន មណ្ឌល អធិការរងក្រុងដូនកែវ បានអោយដឹងថា រថយន្តដែលបុកគ្នាទាំង ៣គ្រឿងរួមាន ទី១ ម៉ាក នីសាន់ ពណ៌ស្លាទុំ ស្លាកលេខភ្នំពេញ 3C-9112 អ្នកបើកបរមិនស្គាល់អត្តសញ្ញាណក្រោយពេលកើតហេតុ បានរត់គេចខ្លួនបាត់ រថយន្តទី ២ ម៉ាកហ៊ីយ៉ាន់ដាយ ពណ័សរ លាយខៀវ ពាក់ស្លាកលេខភ្នំពេញ 3C-0729 បើកបរដោយឈ្មោះ ទួន សានេន ភេទប្រុស អាយុ ៤១ឆ្នាំ រស់នៅភូមិត្រើយទន្លាប់ ឃុំព្រះបាទជាន់ជុំ ស្រុកគីរីវង់ ខេត្តតាកែវ មុខរបរជាអ្នកបើកបររថយន្ត បានរងរបួសធ្ងន់ បញ្ជូនទៅសង្គ្រោះនៅមន្ទីរពេទ្យបង្អែកក្រុងដូនកែវ ។ រថយន្តទី ៣ ម៉ាកហ៊ីយ៉ាន់ដាយ ពណ៌សរ លាយខៀវ ដូចគ្នា ពាក់ស្លាកលេខភ្នំពេញ 3A-0147 បើកបរដោយឈ្មោះ សែម តាំង ភេទប្រុស អាយុ ៤៦ឆ្នាំ រស់នៅភូមិឃុំជាមួយគ្នានិងម្ចាស់រថយន្តទី២ តែរូបគាត់មិនមានរងរបួសអ្វីឡើយ ។
លោកអធិការរងក្រុងដូនកែវ បានបន្តថា មូលហេតុដែលបង្ករអោយមានករណីគ្រោះថ្នាកចរចណ៏នេះកើតឡើង គឺបណ្តាលមកពីបើកបរក្នុងល្បឿន លឿន និងខ្វះការប្រុងប្រយ័ត្ន ចំពោះរថយន្តទាំងបីគ្រឿងនោះបច្ចុប្បន្នសមត្ថកិច្ចបានយករក្សាទុកនៅអធិការដ្ឋាន ដើម្បីរងចាំការដោះស្រាយពីភាគីទាំងសងខាង៕ តាកែវ
