កំពង់ធំ៖ ជនសង្ស័យដែលបានប្រើអំពើហឹង្សាដោយចេតនាមានអាវុ ធកាលពីឆ្នាំ២០១០ ត្រូវសមត្ថកិច្ចនគរបាលស្រុកបារាយណ៍ ឃាត់បានតាមដីការបស់តុលាការខេត្តកំពង់ធំ។
សមត្ថកិច្ចនគរបានស្រុបារាយណ៍ ចុះអនុវត្តដីការឃាត់ខ្លួនជនសង្ស័យម្នាក់ ដែលប្រើអំពើហឹង្សាដោយចេតនាមានអាវុធ នៅភូមិដូនប៉ែន ដែលបានប្រព្រិត្តកាលពីថ្ងៃទី ១៤ ខែកក្កដា ឆ្នាំ២០១០ កន្លងទៅនៅថ្ងៃទី២៦ខែកញ្ញា ឆ្នាំ២០២០ សមត្ថកិច្ចចុះប្រតិបត្តិការអនុវត្តន៍ដីកា ចាប់ខ្លួនលេខ៩៦/២០១០។
តបតាមកម្មវត្ថុខាងលើ កាលពី វេលាម៉ោង១០ កម្លាំងផ្នែកព្រហ្មទណ្ឌ និងកម្លាំងប៉ុស្ដិ៍នគរបាល ឃុំ បឹង តាមបញ្ជារបស់លោកវរសេនីយ៍ឯក សួង ថេន អធិការស្រុក ចុះអនុវត្តដីកាបង្គាប់ឲ្យចាប់ខ្លួនលេខ៩៦ ចុះថ្ងៃទី១០ ខែមិថុនា ឆ្នាំ២០១១ របស់លោក ស៊ិត វណ្ណ: ចៅក្រមស៊ើបសួរអមសាលាដំបូងខេត្តកំពង់ធំ បង្គាប់ឲ្យចាប់ខ្លួនជនឈ្មោះ ទើ ជុ ភេទប្រុស អាយុ៥៦ឆ្នាំ ជនជាតិខ្មែរឥស្លាម នៅភូមិដូនប៉ែន ឃុំបឹង ស្រុកបារាយណ៍ ពីបទ ហិង្សាដោយចេតនាមានអាវុធ កាលពីថ្ងៃទី១៤ ខែកក្កដា ឆ្នាំ២០១០ នៅភូមិដូនប៉ែន ឃុំបឹង៕ ដោយ៖កូឡាប