ក្រុមហ៊ុនអាកាសចរណ៍រដ្ឋ Qatar Airways បានបង្ហើបកាលពីថ្ងៃអាទិត្យ (ថ្ងៃទី ២៧ ខែកញ្ញា) ថាក្រុមហ៊ុនអាកាសចរណ៍កាតាអ៊ែរវ៉េបានទទួលថវិកាបន្តជិត ៧,៣ ពាន់លានរីយាល់ (១,៩៥ ពាន់លានដុល្លារ) ពីរដ្ឋាភិបាលនៃប្រទេសកាតា បន្ទាប់ពីខាតបង់ថវិកាចំនួន ៧ ពាន់លានរីយាល់ ក្នុងមួយឆ្នាំដល់ថ្ងៃទី ៣១ ខែមីនា។
ក្រុមហ៊ុនអាកាសចរណ៍បានផ្តល់សញ្ញាកាលពីខែមីនាថាខ្លួននឹងស្វែងរកការគាំទ្រពីរដ្ឋនៅពេលវិបត្តិកូវីដ-១៩ បានវាយប្រហារដល់ឧស្សាហកម្មធ្វើដំណើរនៅទូទាំងពិភពលោក ប៉ុន្តែរហូតមកដល់ពេលនេះមិនទាន់បានបង្ហាញពីមូលនិធិនេះទេ។
រដ្ឋាភិបាលរបស់ប្រទេសកាតាបានផ្តល់ការគាំទ្រដល់ក្រុមហ៊ុន Qatar Airways បន្ទាប់ពីខែមីនា នៅពេលដែលការខាតបង់ប្រចាំឆ្នាំរបស់ខ្លួនលើសពី ៥០ ភាគរយនៃដើមទុន។ នេះបើយោងតាមរបាយការណ៍ហិរញ្ញវត្ថុប្រចាំឆ្នាំរបស់ក្រុមនេះ។
ការចាក់បញ្ចូលសាច់ប្រាក់ក្រោយមកត្រូវបានប្តូរទៅជាភាគហ៊ុនថ្មី។ ក្រុមហ៊ុនអាកាសចរណ៍ Qatar Airways បាននិយាយថាវាជាឆ្នាំដ៏លំបាកបំផុតមួយដែលមិនធ្លាប់មានដោយការខាតបង់បានកើនឡើងពីការខាតបង់ដែលមានចំនួន ៤.៥ ពាន់លានរីយាល់កាលពីឆ្នាំកន្លងមក។
ក្រុមហ៊ុនអាកាសចរណ៍ចាប់តាំងពីពាក់កណ្តាលឆ្នាំ ២០១៧ ត្រូវបានហាមឃាត់ពីដែនអាកាសអារ៉ាប់ប៊ីសាអូឌីតអារ៉ាប់រួម បារ៉ែន និងអេហ្ស៊ីប ដោយសារតែជម្លោះនយោបាយក្នុងតំបន់ដែល បង្ខំឲ្យ ក្រុមហ៊ុនហោះហើរផ្លូវឆ្ងាយ។
អ៊ែរអ៊ីតាលីដែលក្រុមហ៊ុនកាតាអ៊ែរវ៉េមានភាគហ៊ុនតិចតួចបានដកចេញសាច់ប្រាក់នៅខែកុម្ភៈ។ ផលប៉ះពាល់ពិតនៃជំងឺរាតត្បាតនៅលើក្រុមហ៊ុនអាកាសចរណ៍ Qatar Airways គឺមិនទាន់ច្បាស់នៅឡើយទេ នៅពេលដែលការបិទប្រទេសជាសកលបានធ្វើឡើងជាបន្ត បន្ទាប់ពីឆ្នាំហិរញ្ញវត្ថុរបស់ខ្លួនបានបញ្ចប់នៅក្នុងខែមីនា៕
ប្រភព៖ Reuters
ដោយ៖CEN