ព្រះសីហនុ៖ ជនសង្ស័យម្នាក់ជាជនជាតិវៀតណាមម្នាក់ ដែលលាក់ទុកក្រឡចាស់ៗ ក្នុងបាតសមុទ្រ នៅចំណុចផែរូយ៉ាល់ ត្រូវបានសមត្ថកិច្ចប៉េអឹមឃាត់ខ្លួន ខណៈជនសង្ស័យរូបនោះ កំពុងរៀបចំវេចខ្ចប់ក្រឡទាំងនោះ ទុកដាក់ក្នុងឡាំងស្នោសម្រាប់នាំចេញនៅទៅក្រៅប្រទេស។
សមត្ថកិច្ចប្រាប់ថា កាលពីម៉ោង៩យប់ថ្ងៃទី២៧ ខែកញ្ញា ឆ្នាំ២០២០ កម្លាំងអាវុធហត្ថខេត្តព្រះសីហនុ សម្របសម្រួលនីតិវិធីដោយលោកហួត វិចិត្រ ព្រះរាជអជ្ញារង អមសាលាដំបូងខេត្តព្រះសីហនុ និងចូលរួមពីលោក ប៊ុត បុប្ផាប្រធានមន្ទីរ វប្បធម៌និងវិចិត្រសិល្បៈខេត្ត បានចុះឃាត់ចាប់ជនសង្ស័យម្នាក់ ដែលលាក់ទុកក្រឡចាស់ៗ រកឃើញពីបាតសមុទ្រ(សង្ស័យវត្ថុបុរាណ)នៅចំណុចផែរូយ៉ាល់ ស្ថិតក្រុម៣១ ភូមិ៣ សង្កាត់លេខ៣ ក្រុង+ខេត្តព្រះសីហនុ ។
ជនសង្ស័យឈ្មោះ ឡេ វ៉ាងហួន ភេទប្រុស អាយុ៤២ឆ្នាំ ជនជាតិវៀតណាម និងដកហូតក្រឡទាំងតូច ធំចំនួន២៨១ក្រឡ។
បច្ចុប្បន្នជនសង្ស័យនិងវត្ថុតាង កំពុងរក្សាទុកនៅ បញ្ជាការដ្ឋានអាវុធហត្ថខេត្តព្រះសីហនុដើម្បីអនុវត្តនីតិវិធីបន្ត៕ដោយ៖បញ្ញាស័ក្តិ
