ភ្នំពេញ៖ ឯកឧត្តមឯកអគ្គរដ្ឋទូតចិន អញ្ជើញជាអធិបតីក្នុងកម្មវិធីផ្សព្វផ្សាយសៀវភៅសង្ខេបខ្លឹមសាររបស់ ឯកឧត្តម ស៊ី ជីនភីង ស្តីពីអភិបាលកិច្ចប្រទេសចិន ភាគ៣។ ឯកអគ្គរដ្ឋទូតបានបន្តទៀតថា សៀវភៅ“ស៊ី ជីនភីង ស្តីពីអភិបាលកិច្ចប្រទេសចិន”គឺជាបង្អួចគំនិតក្នុងការស្វែងយល់ពីស្ថានភាពបច្ចុប្បន្ននៃប្រទេសចិន និងយល់ដឹងអំពីអនាគតកាលប្រទេសចិន ហើយក៏ជាមគ្គុទេសវិទ្យាវិទ្យាសាស្ត្រសម្រាប់ដោះស្រាយបញ្ហាសម័យកាលបច្ចុប្បន្ន។
នាថ្ងៃទី២៩ ខែកញ្ញា ឯកឧត្តម Wang Wentian ឯកអគ្គរដ្ឋទូតចិនប្រចាំកម្ពុជា បានអញ្ជើញជាអធិបតី និងថ្លែងសុន្ទរកថាក្នុងកម្មវិធីផ្សព្វផ្សាយសៀវភៅសង្ខេបខ្លឹមសាររបស់ ឯកឧត្តម ស៊ី ជីនភីង ស្តីពីអភិបាលកិច្ចប្រទេសចិនភាគ៣ ដែលបានរៀបចំឡើងក្នុងព្រឹទ្ធសភាកម្ពុជា។ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភាកម្ពុជា និងមន្ត្រីតំណាងគ្រប់ស្ថាប័នរដ្ឋចំនួន៣១ ដែលមានចំនួនសរុបជាង១៧០រូបបានអញ្ជើញមានវត្តមានក្នុងពិធីខាងលើ។
ឯកឧត្តម ឯកអគ្គរដ្ឋទូតចិនមានប្រសាសន៍ថា ចាប់តាំងពីបោះពុម្ពផ្សាយភាគ១ និងភាគ២ នៃសៀវភៅ“ស៊ី ជីនភីង ស្តីពីអភិបាលកិច្ចប្រទេសចិន”មក ក៏ទទួលបានការចាប់អារម្មណ៍និងការស្វាគមន៍យ៉ាងទូលាយ ពីសំណាក់មិត្តអ្នកអានដែលមកពីបណ្តាប្រទេសរួមទាំងប្រទេសកម្ពុជាផងដែរ។ សៀវភៅ“ស៊ី ជីនភីង ស្តីពីអភិបាលកិច្ចប្រទេសចិន”ភាគ៣ ដែលត្រូវបានចុះផ្សាយក្នុងពេលថ្មីៗនេះ បានប្រមូលផ្តុំនូវឯកសារសំខាន់ៗតាំងពីសមាជមជ្ឈឹមបក្សកុម្មុយនីស្តចិនលើកទី១៩កាលពីខែតុលា ឆ្នាំ២០១៧ រហូតដល់ខែមករា ឆ្នាំ២០២០របស់ឯកឧត្តម ស៊ី ជីនភីង អគ្គលេខាធិការបក្ស ដែលក្នុងនោះមានចំនួន៩២អត្ថបទ រួមមានរបាយការណ៍ សុន្ទរកថា និងអត្ថបទមតិសំណេះសំណាល បានគ្របដណ្ដប់នូវគំនិតសំខាន់ៗនៃការកែទម្រង់អភិវឌ្ឍស្ថេរភាព កិច្ចផ្ទៃក្នុងកិច្ចការទូតកិច្ចការពារជាតិ និងអភិបាលកិច្ចបក្សប្រទេសនិងយោធា ខ្លឹមសារសម្បូរបែប អត្ថន័យជ្រាលជ្រៅក្នុងទស្សនវិជ្ជា នេះមិនត្រឹមតែជាឯកសារបង្រៀនដ៏រស់រវើកសម្រាប់ក្បាលម៉ាស៊ីននៃសព្វាវុធ ចង្អុលបង្ហាញអនុវត្ត និងជំរុញកិច្ចការគ្រប់ស្ថាប័ននិងតំបន់នោះទេ ក៏មានអត្ថន័យជាក់ស្តែងសំខាន់សម្រាប់មិត្តបរទេសក្នុងការស្វែងយល់ពីប្រទេសចិននិងសិក្សាពីគ្នាទៅវិញទៅមក។
ឯកឧត្តម ឯកអគ្គរដ្ឋទូតបានបន្តទៀតថា សៀវភៅ“ស៊ី ជីនភីង ស្តីពីអភិបាលកិច្ចប្រទេសចិន”គឺជាបង្អួចគំនិតក្នុងការស្វែងយល់ពីស្ថានភាពបច្ចុប្បន្ននៃប្រទេសចិន និងយល់ដឹងអំពីអនាគតកាលប្រទេសចិន ហើយក៏ជាមគ្គុទេសវិទ្យាវិទ្យាសាស្ត្រសម្រាប់ដោះស្រាយបញ្ហាសម័យកាលបច្ចុប្បន្ន និងដឹកនាំភាពរីកចម្រើនដ៏ពេញនិយម។ ក៏ជាក្រវាត់ចម្បងសម្រាប់ចិននិងកម្ពុជាក្នុងការជឿទុកចិត្តគ្នាទៅវិញទៅមកយ៉ាងស៊ីជម្រៅ ជំរុញកិច្ចទំនាក់ទំនងមនុស្សសាស្ត្រ។ គំនិតអភិវឌ្ឍន៍នៃប្រទេសចិននិងប្រទេសកម្ពុជាមានទំនាក់ទំនងគ្នានឹងគ្នា ភារកិច្ចអភិវឌ្ឍន៍ប្រហាក់ប្រហែលគ្នា សុទ្ធតែក្នុងគោលបំណងការពារអធិបតេយ្យភាពជាតិ សេចក្តីថ្លៃថ្នូរ និងបូរណភាពទឹកដីប្រកបដោយស្មារតីមុតមាំបំផុត រួមកម្លាំងដើម្បីពង្រឹងកិច្ចសហប្រតិបត្តិការអន្តរជាតិ រក្សាសន្តិភាពនិងស្ថិរភាពពិភពលោក។ សម្តេចតេជោនាយករដ្ឋមន្ត្រី ហ៊ុន សែន បានវាយតម្លៃខ្ពស់ជាច្រើនដងច្រើនសាចំពោះគំនិតរបស់ឯកឧត្តម ស៊ី ជីនភីង ស្តីពីសង្គមនិយមដែលមានលក្ខណៈពិសេសនៃចិននៅក្នុងយុគសម័យថ្មីនេះ។ ជឿជាក់ថា ប្រភេទសៀវភៅ“ស៊ី ជីនភីង ស្តីពីអភិបាលកិច្ចប្រទេសចិន”នឹងចូលរួមបើកបង្អួចគំនិតសម្រាប់មិត្តកម្ពុជាទូទៅ ស្វែងយល់ដឹងយ៉ាងទូលំទូលាយនិងកាន់តែស៊ីជម្រៅអំពីប្រទេសចិននាបច្ចុប្បន្ននេះ។ ប្រទេសចិនរីករាយបន្តពង្រឹងទំនាក់ទំនងកិច្ចពិភាក្សាបទពិសោធន៍អំពីអភិបាលកិច្ចកាន់តែស៊ីជម្រៅជាមួយភាគីកម្ពុជា រួមគ្នាកសាងសហគមន៍ជោគវាសនារួមរវាងចិននិងកម្ពុជាប្រកបដោយអត្ថន័យយុទ្ធសាស្ត្រ។
ឯកឧត្តម អគ្គលេខាធិការព្រឹទ្ធសភាមានប្រសាសន៍ថា សៀវភៅ“ស៊ី ជីនភីង ស្តីពីអភិបាលកិច្ចប្រទេសចិន”មិនត្រឹមតែបង្ហាញពីស្នាដៃនិពន្ធច្បាស់លាស់នៃគំនិតសង្គមនិយមដែលមានលក្ខណៈពិសេសនៃចិនក្នុងយុគសម័យថ្មីរបស់ឯកឧត្តម ស៊ី ជីនភីងនិងជាស្មារតីទ្រព្យធនដ៏មានតម្លៃមហាសាលសម្រាប់ប្រជាជនចិននោះទេ ក៏ជាអត្ថបទសំខាន់ក្នុងការស្វែងយល់សិក្សាពីបទពិសោធន៍នៃការអភិវឌ្ឍន៍ និងអភិបាលកិច្ចប្រទេសចិន។ អំណានប្រភេទសៀវភៅ“ស៊ី ជីនភីង ស្តីពីអភិបាលកិច្ចប្រទេសចិន” ធ្វើឲ្យយើងអាចស្វែងយល់កាន់តែច្បាស់អំពីសមត្ថភាពដឹកនាំនិងចក្ខុវិស័យលើឆាកអន្តរជាតិរបស់ឯកឧត្តម ស៊ី ជីនភីង អគ្គលេខាធិការបក្ស។ ភាគីកម្ពុជានឹងចាត់ចែងការអានយ៉ាងយកចិត្តទុកដាក់ ដើម្បីក្រេបបទពិសោធន៍ក្នុងសៀវភៅខាងលើ និងយកមកប្រើប្រាស់ក្នុងកិច្ចការជំរុញជាក់ស្តែងនៃការអភិវឌ្ឍន៍ក្នុងប្រទេសកម្ពុជា។
ក្នុងអង្គពិធីខាងលើ ឯកឧត្តម ឯកអគ្គរដ្ឋទូតចិនបានផ្តល់សៀវភៅ“ស៊ី ជីនភីង ស្តីពីអភិបាលកិច្ចប្រទេសចិន”ភាគ៣ជាភាសាអង់គ្លេស ជូនដល់ស្ថាប័នរដ្ឋកម្ពុជារួមមានព្រឹទ្ធសភា រដ្ឋសភា ក្រុមប្រឹក្សាធម្មនុញ្ញ ក្រសួងការបរទេសនិងសហប្រតិបត្តិការអន្តរជាតិ ក្រសួងមហាផ្ទៃ ក្រសួងការពារជាតិជាដើម៕
ដោយ៖កូឡាប
