បាត់ដំបង៖ នគរបាលព្រហ្មទណ្ឌកម្រិតស្រាល ដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណីជិះម៉ូតូ( បង្ហោះ) លើដងផ្លូវចំនួន១ លើក និងបានធ្វើការនាំខ្លួនពួកគេចំនួន ១៣ នាក់ មកកាន់ស្នងការដ្ឋានរួមជាមួយម៉ូតូចំនួន ៦ គ្រឿងផង។ ជារឿយៗសមត្ថកិច្ចនគរបាលចេញបង្ក្រាបនាំខ្លួនពួកគេមកអប់រំណែនាំឱ្យឈប់ប្រព្រឹត្តិ ប៉ុន្តែបានស្ងប់ស្ងាត់បន្តិចសកម្មភាពបែបនេះក៏ផ្តើមកើតឡើងវិញ។
អនុវត្តន៍តាមយោបល់ណែនាំផ្ទាល់ពីលោកឧត្ដមសេនីយ៍ត្រី សាត គឹមសាន ស្នងការ នៃស្នងការដ្ឋាននគរបាលខេត្តបាត់ដំបង និងដោយបានការសម្របសម្រួលលើនីតិវិធីពី ឯកឧត្ដម គឺ ប៊ុណ្ណារ៉ា ព្រះរាជអាជ្ញានៃអយ្យការអមសាលាដំបូងខេត្តបាត់ដំបង នៅថ្ងៃទី ១ ខែតុលា ឆ្នាំ២០២០ វេលាម៉ោង ១៦និង០០ នាទី រហូតដល់ វេលាម៉ោង ១៨និង០០ នាទី នៅចំណុចក្នុងព្រលានយន្តហោះវាលបែកចាន និងលើផ្លូវហាយវេ(ផ្លូវវាងក្រុង) លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ បានចាត់តាំងលោក វរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល ដឹកនាំកម្លាំងក្រុមអន្តរាគមន៍ បង្ការ បង្ក្រាប ចុះប្រតិបត្តិការបង្ក្រាបករណីជិះម៉ូតូ( បង្ហោះ) លើដងផ្លូវចំនួន១ លើក និងបានធ្វើការនាំខ្លួនពួកគេចំនួន ១៣ នាក់ មកកាន់ស្នងការដ្ឋានរួមជាមួយម៉ូតូចំនួន ៦ គ្រឿងផង។
សូមបញ្ជាក់ជូនថា នៅលើផ្លូវហាយវេ(វាងក្រុង)និងក្នុងព្រលានយន្តហោះវាលបែកចានក្រុមក្មេងបង្កអាណាធិបតេយ្យតែងតែប្រើប្រាស់ម៉ូតូជិះបង្ហោះចុះឡើងក្នុងល្បឿនយ៉ាងលឿន ជាហេតុបង្កឱ្យមានការរំខានពីអ្នកប្រើប្រាស់ផ្លូវ ហើយម្តងម្កាលបានបង្កករណីគ្រោះថ្នាក់ផងដែរ។
ជារឿយៗសមត្ថកិច្ចនគរបាលចេញបង្ក្រាបនាំខ្លួនពួកគេមកអប់រំណែនាំឱ្យឈប់ប្រព្រឹត្តិ ប៉ុន្តែបានស្ងប់ស្ងាត់បន្តិចសកម្មភាពបែបនេះក៏ផ្តើមកើតឡើងវិញ។
បច្ចុប្បន្នកម្លាំងការិយាល័យជំនាញកំពុងតែធ្វើការអប់រំនិងឱ្យអាណាព្យាបាលមកធ្វើកិច្ចសន្យាធានាយកទៅអប់រំបន្តនៅសហគមន៍វិញ៕ដោយ៖បញ្ញាស័ក្តិ