ភ្នំពេញ ៖ ប្រធានផ្នែកនាយផ្នែកសេនាធិការខណ្ឌបឹងកេងកង ពេលល្បាតក្នុងមូលដ្ឋានបានសម្ងំដេកលក់មួយភាំង ត្រូវចោរជើងល្អ៣នាក់គាស់ទ្វារថយន្តលួចយកទូរស័ព្ទ។ កម្លាំងនគរបាលប៉ុស្តិ៍សហការនគរបាលព្រហ្មទណ្ឌខណ្ឌ បានចុះស្រាវជ្រាវបង្ក្រាបបានជនសង្ស័យចំនួន៣នាក់ ក្រោយពីធ្វើសកម្មភាពលួចសម្ភារនគរបាលផ្នែកព្រហ្មទណ្ឌខណ្ឌ ពេលដេកលក់ក្នុងរថយន្ត នៅក្បែរអធិការដ្ឋាននគរបាល កាលវេលាម៉ោង១២និង១០នាទីថ្ងៃទី១ ខែ តុលា ឆ្នាំ ២០២០ នៅចំណុចមុខអាផាតធើមិន លីអឺ ផ្លូវលេខ៣៨៤ ក្រុម៤១ ភូមិ៥ សង្កាត់ទួលស្វាយព្រៃទី១ ខណ្ឌបឹងកេងកង ។
នគរបាលរូបនោះ ឈ្មោះ នូ ប្រសិទ្ធភិធេយ្យ ភេទប្រុស អាយុ២៨ឆ្នាំ ជនជាតិខ្មែរ ស្នាក់នៅផ្ទះលេខ២១ដេផ្លូវ៣០០ ក្រុម៥៤ ភូមិ៥ សង្កាត់បឹងកេងកងទី២ ខណ្ឌបឹងកេងកង រាជធានីភ្នំពេញ មុខរបរ នគរបាល ។ ចំណែក
ជនសង្ស័យទី១ ឈ្មោះ ស៊ឹម វ៉ាន់ ភេទប្រុស អាយុ៣០ឆ្នាំ ជនជាតិខ្មែរ ស្នាក់នៅផ្ទះជួល ផ្លូវ១៣០ សង្កាត់ផ្សារកណ្ដាលទី១ ខណ្ឌដូនពេញ រាជធានីភ្នំពេញ មុខរបរ ជាងអ៊ុតសក់
ទី២- ឈ្មោះ ស៊ុយ សុខហួរ ហៅ យ៉ាវ ភេទប្រុស អាយុ២៨ឆ្នាំ ជនជាតិវៀតណាត ស្នាក់នៅផ្ទះជួល គ្មានលេខ ផ្លូវលំ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មុខរបរ នៅផ្ទះ
និងទី៣- ឈ្មោះ ចាន់ សិលា ហៅ អាសា ភេទប្រុស អាយុ ៣០ឆ្នាំ ជនជាតិខ្មែរ ស្នាក់នៅផ្ទះជួលគ្មានលេខ ផ្លូវលំ ភូមិសាមគ្គី សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មុខរបរ ជាងអ៊ុតសក់ឃាត់ខ្លួន ពីបទ លួច(បើកទ្វាររថយន្ដលួចយកទូរស័ព្ទ) ។
វត្ថុតាងចាប់យក៖ ម៉ូតូ១គ្រឿងម៉ាកហុងដាប៊ិត ពណ៌ខៀវលាយស ផ្លាក់លេខភ្នំពេញ 1IG-8070 និងទូរស័ព្ទចំនួន២គ្រឿងម៉ាកIphone XS Mas និង Iphone 11pro (ជារបស់ជនរងគ្រោះ និងបានប្រគល់ទៅឲ្យជនរងគ្រោះវិញតាមការស្នើសុំ)
។
សូមបញ្ជាក់ថា កាលពីថ្ងៃទី១ ខែតុលា ឆ្នាំ២០២០ វេលាម៉ោង០១និង២០នាទី ជនរងគ្រោះបានបើករថយន្ដមួយគ្រឿងម៉ាកព្រូស ពណ៌ស ផ្លាក់លេខភ្នំពេញ 2BB-7066 មកឈប់នៅមុខកន្លែងកើតហេតុ ដោយមិនបានចាក់ឡុកសោទ្វារឡាននោះទេ រួចក៏បានដេកនៅក្នុងឡាន ដោយល្បាតការពារក្នុងមូលដ្ឋាន។ លុះប្រហែល១០នាទីក្រោយ ជនសង្ស័យឈ្មោះ ស៊ឹម វ៉ាន់ និង ជនសង្ស័យឈ្មោះ ស៊ុយ សុខហួរ បានជិះម៉ូតូ១គ្រឿងម៉ាកហុងដាប៊ិត មកដល់កន្លែងកើតហេតុ ក៏បានឃើញជនរងគ្រោះកំពុងដេកក្នុងឡានក៏បាន ធ្វើសកម្មភាពបើកទ្វារឡានរួចលួចយកទូរស័ព្ទរបស់ជនរងគ្រោះចំនួន២គ្រឿងគេចខ្លួនបាត់ទៅ។ លុះរហូតវេលាម៉ោង១២និង១០ ថ្ងៃខែឆ្នាំដដែរ កម្លាំងជំនាញនៃអធិការដ្ឋានខណ្ឌបឹងកេងកង សហការនិងនគរបាលប៉ុស្តិ៍ ក៏បានធ្វើការស្រាវជ្រាឃាត់បានជនសង្ស័យឈ្មោះ ស៊ុយ សុខហួរ និងឈ្មោះ ចាន់ សិលា ហៅ អាសា រួមនិងមធ្យោបាយធ្វើសកម្មភាពនៅម្ដុំផ្សារកណ្ដាល ខណៈពួកជនសង្ស័យកំពុងយកទូរស័ព្ទជនរងគ្រោះទៅលក់ បន្ទាប់មកសមត្ថកិច្ចយើងបានបន្ដធ្វើការស្រាវជ្រាវ រហូតឃាត់បានជនសង្ស័យចំនួន១នាក់ទៀត ឈ្មោះ ស៊ឹម វ៉ាន់ នៅម្ដុំទួលសង្កែ និងកសាងសំណុំរឿងបញ្ជូលទៅតុលាការ ដើម្បីចាត់ការតាមផ្លូវច្បាប់៕ដោយ៖បញ្ញាស័ក្តិ