កណ្តាល៖ ព្រះករុណាជាអម្ចាស់ជីវិតលើត្បូងជាទីគោរពសក្ការៈដ៏ខ្ពង់ខ្ពស់បំផុត ព្រះករុណា ព្រះបាទសម្ដេច ព្រះបរមនាថ នរោត្ដម-សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រះអង្គស្តេចយាងក្នុងពិធីសម្ពោធប៉ុស្តិ៍សុខភាពសម្តេចព្រះមហាសង្ឃរាជ បួរ គ្រី-ព្រះករុណាព្រះមហាក្សត្រ សីហមុនី ស្ថិតនៅបរិវេណវត្តព្រះឥន្ទសាមគ្គីធម៌ ។
លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានថ្លែងថា នៅព្រឹកថ្ងៃសៅរ៍ ទី៣ ខែតុលា ឆ្នាំ២០២០ កងកម្លាំងនគរបាល សហការការពារព្រះរាជសុវត្ថិភាពថ្វាយព្រះករុណាជាអម្ចាស់ជីវិតលើត្បូងជាទីសក្ការៈដ៏ខ្ពង់ខ្ពស់បំផុត ស្តេចយាងក្នុងពិធីសម្ពោធប៉ុស្តិ៍សុខភាពសម្តេចព្រះមហាសង្ឃរាជបួរគ្រី-ព្រះករុណាព្រះមហាក្សត្រ សីហមុនី នៅក្នុងវត្តព្រះឥន្ទសាមគ្គីធម៌ ស្ថិតក្នុងឃុំក្រាំងម្កាក់ ស្រុកអង្គស្នួល ខេត្តកណ្តាល៕ដោយ៖កូឡាប
