ខេត្តព្រះសីហនុ ៖នៅថ្ងៃទី៣ ខែតុលា ឆ្នាំ២០២០ វេលាម៉ោង១៤និង៥៦នាទី ស្ថិតនៅចំណុចក្នុងការដ្ឋានកំពុងសាងសង់ (យីហោហ៌ួស៊ីញ) ភូមិ៥ ក្រុម៤ សង្កាត់លេខ៤ ក្រុងព្រះសីហនុ ខេត្តព្រះសីហនុ មានជនជាតិចិនម្នាក់ឈ្មោះ Li hai Liang ភេទប្រុស អាយុ៣៦ឆ្នាំ មុខរបរ កម្មករសំណង់ នៅថ្ងៃកើតហេតុខាងលើប្រជាពលរដ្ឋក្នុងមូលដ្ឋាន បានរាយការណ៍ជូនសមត្ថកិច្ចឃើញជនជាតិចិនម្នាក់ បម្រុងលោតពីលើអគារជាន់ទី២ ការដ្ឋានសំណង់ខាងលើ ភ្លាមនោះ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្ត បានដាក់បទបញ្ជាឲ្យសមត្ថកិច្ចយើងសហការជាមួយកម្លាំងជួយសង្គ្រោះ៧១១ និងកងរាជអាវុធហត្ថខេត្តអន្តរាគមន៍ និងបានសង្គ្រោះយកជនជាតិចិននោះ រួចបានបញ្ជូនមកអធិការដ្ឋានក្រុងព្រះសីហនុធ្វើការតាមនីតិវិធី ។
តាមពិនិត្យជាក់ស្តែងឃើញថា ជនជាតិនោះមានធុំក្លិនស្រាមានអាការដូចស្រវឹងស្រា តែក្រោយពិនិត្យរកជាតិអាកុលពុំឃើញមានជាតិស្រវឹងនៅក្នុងខ្លួន ។ ចំពោះសារធាតុញៀន យើងពិនិត្យមិនឃើញដែរ ។
ករណីខាងលើនេះសមត្ថកិច្ចកំពុងធ្វើការសាកសួរ នឹង ស្រាវជ្រាវបន្ត ៕ ដោយ៖កូឡាប
