ភ្នំពេញ៖ តារាចម្រៀង Angie ក្រោយរៀបការរួចនិងសម្ងំកើបលុយជាមួយស្វាមីយ៉ាងពេញទំហឹងពីមុខជំនួញអនឡាញ ឥឡូវនេះទទួលបានសមាជិកដំបូងហើយ។
តាមរយៈគណនីហ្វេសប៊ុកផ្ទាល់របស់អ្នកនាង Angie បានសរសេររៀបរាប់យ៉ាងដូច្នេះថា “??????? ម្ចាស់ជីវិតម៉ាក់ អ្នកទាំង២ជាកម្លាំងចិត្តដ៏អស្ចារ្យរបស់ខ្ញុំ អារម្មណ៍ឈឺនិងអារម្មណ៍លំបាកក្នុងខ្លួន ប្រែក្លាយជាអារម្មណ៍រំភើបរីករាយពេលដែលមាននាក់ទាំង២នៅក្បែរ
អូនឈ្មោះ គង់ វិរះអ៊ីដេន កើតថ្ងៃអាទិត្យ ខែតុលា ឆ្នាំ២០២០ ទម្ងន់ស្តង់ដារ ៣,៥២គីឡូក្រាម”។
គួររំលឹកថា បន្ទាប់ពីរៀបការជាមួយស្វាមីដែលជាកូនអ្នកជំនួញ អែនជី ហាក់លែងរវល់និងសិល្បៈដូចមុន ទាំងការច្រៀងតាមកម្មវិធីផ្សេងៗ ឬការថតផ្សាយពាណិជ្ជកម្ម ហើយងាកមកចាប់អារម្មណ៍តែការបង្កើតមុខរបររកស៊ីជាមួយស្វាមី។ ជាក់ស្តែងក្រោយប្រឡូកលើវិស័យមុខជំនួញ Angie ហាក់កាក់កបជាងមុខរបរជាតារាចម្រៀង ដោយត្រឹមរយៈពេលខ្លីសោះ នាងទទួលបានជោគជ័យមិនធម្មតា សល់វីឡា ឡាន លុយហូរហៀរ ថែមទាំងទើបទទួលបានទ្រព្យសំណព្វចិត្តមួយទៀត គឺកូនប្រុសជាទីស្រឡាញ់ ដែលធ្វើឱ្យអ្នកលេងបណ្តាញសង្គមស្ងើចសរសើរថា សល់ទាំងទ្រព្យមានទាំងក្តីសុខ៕ ដោយ៖ កូលាប ក្រហម
