ភ្នំពេញ៖ករណីរថយន្តដឹកដី បុកបុរសម្នាក់ឈរនៅលើចិញ្ចើមផ្លូវនោះគឺកើតឡើងតាំងពីថ្ងៃ២៦ ខែកញ្ញា ឆ្នាំ២០២០ នៅភូមិថ្មី ឃុំពានី ស្រុកកំពង់ត្រឡាច ខេត្តកំពង់ឆ្នាំង គឺភាគីទាំងសងខាងបានសម្របសម្រួលគ្នាក្រៅប្រព័ន្ធច្បាប់ ដោយខាងរថយន្តចេញសំណងសងថ្លៃព្យាបាលទៅឱ្យខាងយុវជនដែលឈរឌឺនៅលើផ្លូវនោះហើយ។
ប៉ុន្តែទើបតែមានការបង្ហោះវីដេអូនៅលើបណ្ដាញសង្គមហ្វេសប៊ុកឡើង ហើយបានបង្កឱ្យមានការភ្ញាក់ផ្អើល
ទើបសមត្ថកិច្ចនគរបាលចរាចរណ៍ធ្វើការស៊ើបអង្កេតបន្ទាន់
ក៏បានឃាត់ខ្លួនបុរសដែលបើករថយន្តដឹកដីនោះនៅព្រឹកថ្ងៃនេះទី៤ខែតុលាឆ្នាំនេះ ដើម្បីអនុវត្តតាមនីតិវិធីច្បាប់។
លោកផែង វណ្ណៈ បានលើកឡើងថា ” អាណិតប្អូនណាស់ បើបើកគេចវាទៅបុកម៉ូតូជិះបញ្ច្រាសទិសគ្នា បើកបុកវាក៏ខុស ។ ថ្ងៃក្រោយអត់ធ្មត់បន្តិចទៅប្អូន សុខចិត្តចាញ់ អាស្ទាវឈរឌឺនិងទៅបានសុខ ហើយបើជ្រុលជាបុក កិនក្បាលវាចោលហ្មងទៅ កុំឲ្យវានៅចង្រៃដល់គេ ។ សងលុយវាហើយ នៅជាប់ពិរុទ្ធទៀត “៕ដោយ៖កូឡាប