សៀមរាប ៖ កម្លាំងអធិការដ្ឋាននគរបាលស្រុកប្រាសាទបាគងចុះបង្ក្រាបសៃវៀនជល់មាន់ដោយចាប់វត្ថុតាង រួមនឹងរបស់របរផ្សេងៗទៀត យកទៅដុតកម្ទេចចោល ឯមនុស្សចាប់មិនបាននោះទេគឺ រត់គេចខ្លួនបាត់អស់ហើយ។
ថ្ងៃទី៤ ខែ តុលា ឆ្នាំ២០២០ម៉ោង ៣និង០០នាទី កម្លាំងអធិការដ្ឋាននគរបាលស្រុកប្រាសាទបាគងសហការជាមួយកម្លាំងប៉ុស្តិ៍នគរបាលរដ្ឋបាល ចុះបង្ក្រាបទីតាំងល្បែងស៊ីសង (ជល់មាន់) នៅត្រង់ចំណុចទួលវាលស្រែ ភូមិគោកធ្លក ឃុំកណ្តែក ស្រុកប្រាសាទបាគង ខេត្តសៀមរាប ។
ក្នុងប្រតិបត្តិការនេះ សមត្ថកិច្ចបានដកហូត និងដុតបំផ្លាញសំភារៈជល់មាន់ ព្រមទាំងដកហូតម៉ូតូចំនួន ៥គ្រឿង និង មាន់ចំនួន ៣ក្បាល យកមករក្សាទុកនៅអធិការដ្ឋាននគរបាលស្រុកប្រាសាទបាគង ចំណែកមនុស្សបានរត់គេចខ្លួនបាត់ ៕ ដោយ៖កូឡាប