ភ្នំពេញ៖ មិនធម្មតា ទេព បូព្រឹក ពិតជាចិត្តសឿងមែន បានទិញរថយន្តសេរីទំនើបថ្លៃកប់ពពកជូន ជី ដេវីត វិញ បន្ទាប់ពីខ្លួនទើបទទួលបានកាដូរថយន្ត RollRoy ពី ជី ដេវីត។
តាមរយៈគណនីហ្វេសបុករបស់លោក ជី ដេវីត បានបង្ហោះនៅមុននេះបន្តិចបានរៀបរាប់ថា “ធ្លាប់សន្យាហើយថានឹងទិញឲ្យ ឥឡូយទិញមែន ជីវិតអើយអីក៏សំណាងម្លេះ ប្រពន្ធស្អាតហើយ ចិត្តល្អទៀត សំខាន់ម៉ាត់ណាម៉ាត់ហ្នឹងកុំជោរជាមួយ Tep Boprek anyway I love you so much, Super best gife ever…”។
ក្រោយបង្ហោះហើយមិនបានប៉ុន្មាននាទីផងមានហ្វេនៗជាច្រើនបានចូលមកខំមិនជូនពរថ្ងៃខួបកំណើតរបស់អាយដល និងអបអរចំពោះកាដូដ៏ធំនេះ។ ចំណែកសមីខ្លួនដែលជាម្ចាស់កាដូវិញ បានថ្លែងថា “អ្វីដែលសំខាន់យើងប្រឹងរកជាមួយគ្នា ឆ្លងកាត់ឧបសគ្គជាមួយគ្នា ហើយនឹងត្រូវរួមដំណើរជីវិតជាមួយគ្នាជារៀងរហូត កាដូអូនជូនបងសម្រាប់១០ឆ្នាំឲ្យហើយ ចឹងកាដូនេះពិសេសហើយក៏ចុងក្រោយដែរណា ហើយខួបអូនខែ១២យល់? បងទិញ Roll Roy ឲ្យអូន អូនទិញ G63 ឲ្យបងវិញ រួចគ្នាចឹងខែ១២ខួបខ្ញុំហើយគិតឲ្យហើយទិញអីឲ្យខ្ញុំ”។
ឃ្លាចុងក្រោយនេះបានធ្វើឲ្យហ្វេនៗផ្ទុះសំណើច ហើយថាបានកាដូរធំតែក៏មិនស្រណុកចិត្តបានយូរដែរព្រោះខែ១២ ទេព បូព្រឹក បានរំលឹកមុនហើយ អីចឹង ជី ដេវីត ត្រូវគេងគិតឲ្យមែនទែនដើម្បីរកកាដូណាកុំឲ្យខុសចិត្តម្ចាស់ស្នេហ៍។
គួរបញ្ជាក់ថា ជារឿយៗគូរស្នេហ៍ដែលមានអាជីពជាតារាចម្រៀងមួយគូរនេះ តែងតែបង្ហាញភាពផ្អែមល្ហែមដាក់គ្នាមិនដែលដាច់ ជាពិសេសបានពួតដៃគ្នាយ៉ាងណែនដើរលើវិថីសិល្បៈរហូតទទួលបានជោគជ័យ ទិញមាសពេជ្រពាក់ជ្រែកខ្លួនរាប់ម៉ឺនដុល្លារ និងទិញរថយន្តសុទ្ធតែសេរីទំនើបៗតម្លៃខ្ពស់កប់ពពកឲ្យគ្នាទៅវិញទៅមក មានទាំង Roll Roy ហើយចុងក្រោយនេះគឺ Mercedes G63៕ ដោយ៖ កូលាប ក្រហម