តាកែវ ៖ បុរសម្នាក់ប្រើស្តាយបោកថ្មីនៅតាមបណ្តារហាងផឹកស៊ីមួយចំនួនក្នុងស្រុកត្រាំកក់ត្រូវបានម្ចាស់ហាងមួយកន្លែង មានឈ្មោះថា Chantha Han បង្ហោះរូបភាព និងផ្សព្វផ្សាយជាសាធារណៈនៅលើបណ្តាញទំនាក់ទំនងសង្គម ហ្វេសបុក នៅមុននេះបន្តិច ក្នុងថ្ងៃទី ៦ ខែតុលា ឆ្នាំ២០២០ ។
សូមបញ្ជាក់ផងដែរថា នេះជាល្បិចបោកថ្មីមួយទៀតហើយ សម្រាប់ហាងផឹកស៊ីមួយចំនួន គួរប្រុងប្រយ័ត្ន ព្រោះអាចនិងខាតបង់ថវិការបស់ខ្លួន ដោយសារយុវជនម្នាកនេះ ដែលមើលទៅលើការបង្ហាញរបស់អ្នកបង្ហោះ បានបង្ហាញថា ជនឆបោកខាងលើ គឺមានឈ្មោះក្នុងហ្វេសបុក ជាសុផា ណាលិ ។
ចំពោះការរៀបរាប់ពីល្បិចបោកថ្មីនៅតាមហាងផឹកស៊ីនេះដែរ គឺមានក្លឹមសារនៅក្នុងអាខោនហ្វេសបុកដែលបានបង្ហោះខាងលើ ដោយនិយាយរៀបរាប់ថា ៖
ជនបោកប្រាស់ តាមបណ្តាហាងទាំងអស់នៅផ្សារអង្គតាសោម សូមប្រុងប្រយ័ត្ននឹងបុគ្គលម្នាក់នេះ។
កាលថ្ងៃទី៤ ខែតុលា ឆ្មាំ២០២០ បុគ្គលម្នាក់នេះបានចូលហាងរបស់ខ្ញុំ ធ្វើជាចិត្តល្អ ប៉ាវភ្ញៀវដែលអង្គុយតុផ្សេង ប៉ាវ ម្ហូបស្រាថា ខ្លួនជាអ្នកចេញ រួចធ្វើជាទៅនិយាយទូរស័ព្វ ហៅកង់បីអោយយកស្រា ABC 2កេះយកទៅជូន អធិកាដ្ឋានស្រុកត្រាំកក់ នឹងសល់ស្រា ABC ១កេះទៀត វាថាទុកផឹកជាមួយមេមេដែលមកនឹងប៉ាវភ្ញៀវដែលអង្គុយក្បែរ បន្ទាប់មកបុគ្គលម្នាក់នេះថាមានមេមេប៉ូលីស៤នាក់មកហាង អោយរង់ចាំសិន ។ បន្ទាប់មកបុគ្គលម្នាក់នេះអោយខ្ញុំគិតលុយមុនសិន បន្ទាប់មកធ្វើជានិយាយទូរស័ព្វថាចេញទៅយកមេមេ នឹងអោយលុយរយៈពេលជាង ១០នាទី បុគ្គលម្នាក់នេះ រត់បាត់ស្រមោល។
លុះដល់ថ្ងៃទី៥ខ្ញុំបានសើបសួរលោកពូកង់បីដែលបានដឹងស្រា គាត់ប្រាប់ថា ស្រាដែលយកទៅគឺយកទៅលក់ខាងលិចផ្លូវបំបែកជាបួន ខ្ញុំបានព្យាយាមទាក់ទងទៅបុគ្គលម្នាក់នេះតែ ពេលដែលខលចូលគឺចុចបិទរហូត ។
បើសិនជាបងប្អូនណាបានឃើញបុគ្គលនេះសូមទំនាក់ទំនងមកលេខ 086374773 010565419
សូមអរគុណ សូមជួយស៊ែម្នាក់មួយផងបងប្អូន៕ ដោយ៖តាកែវ
