ភ្នំពេញ៖ លោកជិន ម៉ាលីន អ្នកនាំពាក្យក្រសួងយុត្តិធម៌ បានថ្លែងថា ឯកឧត្តមរដ្ឋមន្ត្រីដឹកនាំកិច្ចប្រជុំថ្នាក់ដឹកនាំក្រសួង ពិភាក្សានិងពិនិត្យទៅលើឯកសារទស្សនទាន ព្រមទាំងការសិក្សាស្រាវជ្រាវពាក់ព័ន្ធ ទៅនឹងការរៀបចំគោលនយោបាយដោះស្រាយវិវាទក្រៅប្រព័ន្ធតុលាការនៅកម្ពុជា
នៅទីស្តីការក្រសួង នារសៀល ថ្ងៃ អង្គារ ទី ៦ ខែ តុលា ឆ្នាំ២០២០ នេះ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ អញ្ជើញដឹកនាំកិច្ចប្រជុំ ពិភាក្សា និងពិនិត្យទៅលើឯកសារទស្សនទាន ព្រមទាំងការសិក្សាស្រាវជ្រាវពាក់ព័ន្ធ ទៅនឹងការរៀបចំគោលនយោបាយដោះស្រាយវិវាទក្រៅប្រព័ន្ធតុលាការនៅកម្ពុជា ដែលក្រុមការងារបច្ចេកទេសរៀបចំគោលនយោបាយដោះស្រាយវិវាទក្រៅប្រព័ន្ធតុលាការ បានធ្វើការសិក្សាស្រាវជ្រាវ និងចងក្រង។
ក្នុងកិច្ចប្រជុំនេះ មានការអញ្ជើញចូលរួមពីសំណាក់ថ្នាក់ដឹកនាំ ឯកឧត្តម លោកជំទាវ ជារដ្ឋលេខាធិការ អនុរដ្ឋលេខាធិការ អគ្គលេខាធិការ អគ្គនាយក និងអគ្គាធិការ នៃក្រសួងយុត្តិធម៌ផងដែរ៕ដោយ៖កូឡាប
