សុភក្ត្រ កុសុម៉ា ហេតុតែស្រឡាញ់ពេកនៅមិននៅទៅថើបអ្នកនាង ឱក សុគន្ធកញ្ញា មួយទំហឹងតែម្តងមិនក្រែងចិត្តលោក អ៊ឹង សុខលី អីបន្តិច ចុងក្រោយបែរជាភ័យ ខ្លាចមានស្នាមជាំលោក អ៊ឹង សុខលី រករឿង។
ក្នុង Clip វីដេអូមួយដែលត្រូវបានបង្ហោះក្នុងបណ្តាញសង្គម បានបង្ហាញពីភាពស្និទ្ធស្នាលយ៉ាងខ្លាំងរវាងអ្នកនាង ឱក សុគន្ធកញ្ញា និងកញ្ញា កុសុម៉ា។ ដោយកញ្ញា កុសុម៉ា បានថើបញ៉ក់ញីអ្នកនាង ឱក សុគន្ធកញ្ញា មួយទំហឹងតែម្តង ដែលបានស្តែងចេញពីអារម្មណ៍ស្រឡាញ់ពេញចិត្តរបស់ខ្លួនចំពោះអ្នកនាង ឱក សុគន្ធកញ្ញា។ ក្នុងវីដេអូនោះផងដែរ ខណៈកំពុងជជែកគ្នាសើចក្អាកក្អាយ មិត្តភក្តិរបស់កញ្ញា កុសុម៉ា បានចាក់ចង្កេះនាងដែលធ្វើឲ្យនាងភ្ញាក់ច្រឡំដៃវាយស្មាអ្នកនាង ឱក សុគន្ធកញ្ញា មួយដៃ ធ្វើឲ្យ សុភក្ត្រ កុសុម៉ា ប្រញ៉ាប់ថើបត្រង់កន្លែងដែលខ្លួនបានវាយអ្នកនាង ឱក សុគន្ធកញ្ញា វិញ ដើម្បីបង្ហាញថាជាអចេទនា ហើយនិយាយលេងសើចថា “ប្រាប់ប្តីមកច្រៀង ប្រយ័ត្នទៅផ្ទះវិញមានស្នាមជាំប្តីរករឿងណា”។ និយាយដល់ចំនុចនេះអ្នកនាង ឱក សុគន្ធកញ្ញា ក៏បានតបដោយអស់សំណើចថា “នឹងប្រាប់ស្វាមីរបស់ខ្លួនថាកញ្ញា កុសុម៉ា ជាអ្នកវាយ”។
ជាការពិតណាស់តាមរយៈវីដេអូខាងលើអ្នកទាំង២គ្រាន់តែនិយាយគ្នាលេងប៉ុន្នោះ ប៉ុន្តែអ្វីដែលធ្វើឲ្យហ្វេនៗចាប់អារម្មណ៍នោះគឺមិននឹកស្មានថាអ្នកទាំង២ស្និតស្នាលគ្នាដល់ម្លឹងសោះ ហើយក៏ធ្វើឲ្យអ្នកគាំទ្រសប្បាយចិត្តមិនស្ទើរដែរ ដែលមានidol មានសម្ព័ន្ធភាពល្អនិងគ្នាបែបនេះ៕ ដោយ៖ កូលាប ក្រហម
