បើនិយាយពីសម្រស់របស់មនុស្សយើង សក់គឺជាចំណុចសំខាន់បំផុតមួយដែលមនុស្សគ្រប់គ្នាយកចិត្តទុកដាក់ថែទាំ ហើយតែងតែរិះរកនូវម៉ូតសក់ថ្មីប្លែកជានិច្ចដើម្បីបង្កើនភាពស្រស់ស្អាតតាមសម័យកាល តំបន់ ឬប្រទេសនីមួយៗ។ ជាក់ស្តែងប្រជាជននៃប្រទេសខ្លះដែលយល់ថាសក់វែងស្អាត ជាពិសេសស្ត្រីពួកគេបានទុកសក់រហូតដល់ហួសចង្កេះ ឬអូសដី ចំណែកឯប្រទេសដែលនិយមសក់ខ្លី សម្រាប់នារីៗពួកគេក៏កាត់សក់ទុកត្រឹមកញ្ចឹកក។
ក្រឡេកមកមើលម៉ូតសក់របស់ជនជាតិស្បែកខ្មៅវិញ សក់របស់ពួកគេមិនមែនជាប្រភេទសក់ត្រង់ស្លូតដូចប្រជាជនភាគច្រើនលើពិភពលោកឡើយ ពួកគេមានសសៃសក់តូច ស្តើង ស្រាល និងរួញផងដែរ ហើយបើពួកគេមិនចងឲ្យបានត្រឹមត្រូវនោះទេ សក់នោះនឹងហើមប៉ោងធំប៉ុនកញ្ជើមិនខាន។ យ៉ាងណាក៏ដោយពួកគេក៏មានម៉ូតសក់ប្រចាំខ្លួនផងដែរ គឺជាម៉ូតសក់ក្រងយ៉ាងញឹកនៅលើស្បែកក្បាល ដែលមើលទៅសម្រាប់អាស៊ីយើង គឺពិតជាឈឺស្បែកក្បាលមែនទែន ហើយម៉ូតសក់នេះនៅតែពេញនិយមសម្រាប់ប្រជាជនរបស់គេដល់សព្វថ្ងៃ។ មិនត្រឹមតែប៉ុណ្ណោះ សូម្បីតែជនជាតិស្បែកសប៉ែកអឺរ៉ុបជាច្រើន ជាពិសេសតារាចម្រៀង តារាបង្ហាញម៉ូតល្បីៗក៏ចូលចិត្តធ្វើម៉ូតសក់ក្រងនេះដែរ ព្រោះវាប្លែក ហើយក៏ស្រស់ស្អាតម្យ៉ាងដែរ ដោយពួកគេយល់ថាវាអាចទាក់ទាញចំណាប់អារម្មណ៍ពីអ្នកគាំទ្រ។
ចង់ដឹងថាម៉ូតសក់ទាំងនោះប្លែកនិងស្រស់ស្អាតយ៉ាងណា តោះទៅមើលបណ្តុំរូបថតម៉ូតសក់ទាំងនោះទាំងអស់គ្នា៕ ដោយ៖ កូលាប ក្រហម
