បុរសម្នាក់នៅអឺរ៉ុប បានកំពុងបង្កការភ្ញាក់ផ្អើល ជាមួយមតិលើកឡើងយ៉ាងផុសផុលពេញបណ្តាញសង្គម ពីសំណាក់ជាតិសាសន៍ផ្សេងៗ ចំពោះឥរិយាបទដ៏ចម្លែករបស់គាត់ ដែលស្លៀកពាក់អ្វីៗជារបស់មនុស្សស្រីបែបនេះ។
រឿងបានផ្ទុះឡើង ក្រោយពីគណនីហ្វេសប៊ុកឈ្មោះ Coletta Coletta បានបង្ហោះរូបភាព៣សន្លឹក ដោយភ្ជាប់ Caption គួរឲ្យភ្ញាក់ផ្អើលថា «បុរសម្នាក់នៅអឺរ៉ុប ពេលនេះបានងាកទៅស្លៀក…សំពត់ហើយ (Men in Europe are now Turning To skirts…)» ។
ជាមួយឥរិយាបទដ៏ចម្លែករបស់បុរសខាងលើនេះ ក្នុងនោះ អ្នកលេងបណ្តាញសង្គម បានខ្លះបានលើកឡើងថា នេះគ្រាន់ជាការធ្វើឡើងដើម្បីចង់បានភាពទាក់ទាញ និងចង់ដឹងពីប្រតិកម្មរបស់មហាជនប៉ុណ្ណោះ។ រីឯអ្នកខ្លះទៀតថា ជាការពិតណាស់ បុរសនៅស្កុតឡែនគឺតែមានទម្លាប់ស្លៀកពាក់ (Kilt សំពត់គិល) ជារៀងរាល់ថ្ងៃ ប៉ុន្តែ ពួកគេពុំពាក់កែងចោតបែបនេះនោះទេ ។ ហេតុនេះ មានតែបុរសម្នាក់នេះគត់ដែលកំពុងធ្វើរឿងឆ្កួតៗបែបនេះ ព្រោះថា សំពត់រឹប និងកែងចោត ត្រូវបានធ្វើតម្រូវទៅតាមទំហំមនុស្សស្រីប៉ុណ្ណោះ តែបើគាត់យកមកពាក់បែបនេះ ជឿជានឹងពិបាកក្នុងការអង្គុយចុះឡើង និងពិសេសគឺថាជើងរបស់គាត់នឹងហើមរលាកពុំខាន។
លើសពីនេះ អ្នកខ្លះទៀតដែលមកពីអាមេរិក សូម្បីណែនាំជនជាតិរបស់ខ្លួនកុំធ្វើតាមតម្រាប់បុរសនេះទៀតផង៕ ដោយ៖ លឹម ហុង
