ភ្នំពេញ ៖ អូស្ត្រាលី ជាដៃគូដ៏យូរអង្វែងមួយរបស់ ក្រសួងសេដ្ឋកិច្ច និងហិរញ្ញវត្ថុ Ministry of Economy and Finance នៃប្រទេសកម្ពុជា។ យើងបានពង្រឹងទំនាក់ទំនងនេះក្នុងអំឡុងពេលជំងឺកូវីដ-១៩ ដូចជាតាមរយៈកម្មវិធីរួមគ្នាជាមួយ UNDP Cambodia ស្តីពីការយល់ដឹង និងការឆ្លើយតប ទៅនឹងផលប៉ះពាល់សេដ្ឋកិច្ចរបស់ការរាលដាលជំងឺកូវីដ-១៩។
កាលពីម្សិលមិញ លោក Luke Arnold ឯកអគ្គរាជទូតរង បានបើកសិក្ខាសាលាមួយ សម្រាប់អ្នកធ្វើគោលនយោបាយជាន់ខ្ពស់ខាងសេដ្ឋកិច្ច របស់កម្ពុជា ស្តីពីការវិភាគ ពីរបៀបដែលកញ្ចប់ថវិកាជំរុញសេដ្ឋកិច្ចនេះ អាចកាត់បន្ថយភាពក្រីក្រ និងភាពអត់ការងារ បានកម្រិតណា កំឡុងពេលការរាលដាលជំងឺនេះ។
ឯកឧត្តម ផាន់ ផល្លា រដ្ឋលេខាធិការ ក្រសួងសេដ្ឋកិច្ចនិងហិរញ្ញវត្ថុកម្ពុជា បានថ្លែងអំណរគុណដល់អូស្ត្រាលី និងអង្គការសហប្រជាជាតិ ដល់ការគាំទ្ររបស់យើង ហើយឯកឧត្តមក៏បានកត់សម្គាល់ថា កម្ពុជាកំពុងពឹងផ្អែកលើ ទិន្នន័យគំរូសេដ្ឋកិច្ច ពីកម្មវិធីរួមគ្នានេះ ដើម្បីផ្តល់ជាធាតុចូល ដល់កញ្ចប់ថវិកាជំរុញសេដ្ឋកិច្ចរបស់ក្រសួង រួមទាំងប្រព័ន្ធផ្ទេរប្រាក់បន្ទាន់ជាប្រវត្តិសាស្ត្រ ដើម្បីផ្តល់ជំនួយដល់គ្រួសារក្រីក្របំផុតក្នុងប្រទេស ចំនួនជាង ៥០០.០០០ គ្រួសារ ៕ដោយ៖បញ្ញាស័ក្តិ