បាត់ដំបង៖ប្រជាពលរដ្ឋជាច្រើនរយនាក់ បានមកពិនិត្យជំងឺទូទៅនិងទទួលថ្នាំព្យាបាល ដោយមានក្រុមគ្រូពេទ្យស្ម័គ្រចិត្តរបស់សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃចុះពិនិត្យព្យាបាលជួនដោយឥតគិតថ្លៃតាមរយៈក្រុមការងារចុះជួយឃុំឃុំកន្ទឺ១ស្រុកបាណន់ខេត្តបាត់ដំបង។
លោកវេជ្ជបណ្ឌិត លី ដា បានមានប្រសាសន៍ថាក្រុមគ្រូពេទ្យស្ម័គ្រចិត្តរបស់សម្ដេចក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃដែលដឹកនាំដោយឯកឧត្តមសាស្ត្រាចារ្យអ៊ិន សុន្ទរ៉ានិងភរិយាចុះពិនិត្យព្យាបាលជួនដោយឥតគិតថ្លៃដល់ប្រជាពលរដ្ឋនៅឃុំកន្ទឺ១ស្រុកបាណ់ន់ខេត្តបាត់ដំបង។ជានិច្ច ជាកាល សម្ដេចក្រឡាហោម តែងតែយកចិត្តទុកដាក់ដល់សុខទុក្ខ សុខមាលភាពរបស់បងប្អូនប្រជាពលរដ្ឋតាមរយៈក្រុមការងាររបស់់គណបក្សប្រជាជនកម្ពុជា។បច្ចុប្បន្នជាជំងឺសកលគឺជំងឺកូវីដ ១៩ដែលកំពង់រីករាលដាលឆ្លងនិងចម្លង ដែលជាក្ដីបារម្ភរបស់រាជរដ្ឋាភិបាលកម្ពុជានិងសកលលោកមានទាំងស្លាប់និងឆ្លងជំងឺនេះ ប៉ុន្តែនៅកម្ពុជាមិនមានអ្នកស្លាប់ ដោយសារជំងឺកូវីដ ១៩ទេ ដោយសារការឆ្លាតវៃរបស់ថ្នាក់ដឹកនាំនិងង្នកជំនាញឲ្យអនុវត្តយ៉ាងខ្ជាប់ខ្ជួនក្នុងការការពារទុកជាមុនតាមក្រសួងសុខាភិបាល។
លោកពួ ឆែម ព្រិលរស់នៅភូមិថ្មីឃុំកន្ទឺ១ស្រុកបាណន់ បានសម្ដែងសេចក្ដីត្រេកអរយ៉ាងខ្លាំង ចំពោះក្រុមគ្រូពេទ្យស្ម័គ្រចិត្តរបស់សម្ដេចក្រឡាហោម ស ខេងឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ កាលដែលឈឺពួកគាត់ដេកបន់អង្គុយបន់ ប៉ុន្តែឥឡូវគ្រូពេទ្យចុះមកផ្ទាលពិនិត្យនិងផ្ដល់ថ្នាំព្យាបាលឲ្យដោយឥតគិតថ្លៃតែម្ដង។
លោកពួ លុំ ហានរស់នៅភូមិទួលឆ្នង់ឃុំកន្ទឺ១ស្រុកបាណ់ន់ បាននិយាយប្រាប់ថាពួកគាត់មានជំងឺទួទៅ ហើយបានក្រុមគ្រូពេទ្យចុះមកពិនិត្យនិងឲ្យថ្នាំលេបព្យាបាលជំងឺគ្រប់គ្នា។ពួកគាត់សូមថ្លែងអំណរគុណដល់់សម្ដេចក្រឡាហោមនិងក្រុមគ្រូពេទ្យទាំងអស់ដែលបានជួយសង្គ្រោះព្យាលបាលជំងឺទូទៅដល់អ្នកឃុំកន្ទឺ១នេះ៕ដោយ៖អ៊ុងសារុំ
