សៀមរាប៖គួរឲ្យសោកស្តាយសិល្បការិនីរបាំបុរាណដ៏ស្រស់ស្អាតម្នាក់ បានស្លាប់បាត់បង់ជីវិតដោយសារគ្រោះធម្មជាតិរលំផ្ទះសង្កត់លើ។
យោងតាមគណនីហ្វេសបុកមួយដែលមានឈ្មោះថា ច័ន្ទធឿន ភ្លេងខ្មែរ បានបង្ហោះនៅមុននេះបន្តិចបានរៀបរាប់ថា «ទោះមិនបានសម្តែងជាមួយគ្នាក៏ពិតមែន តែបងសូមចូលរួមរំលែកទុក្ខយ៉ាងក្រៀមក្រំ នៃការបាត់បង់អតីតសិល្បការិនីប្រចាំភោជនីយដ្ឋានគូលែន ដោយគ្រោះធម្មជាតិរលំផ្ទះសង្កត់លើគួរឲ្យសង្វែគ»។
បើតាមព័ត៌មានបឋម ជនរងគ្រោះមានស្រុកកំណើតនៅខេត្តសៀមរាប តែបច្ចុប្បន្នបានផ្លាស់មករស់នៅខេត្តកំពង់ធំវិញ។ ក្រោយការបង្ហោះចែករំលែកព័ត៌មាននេះ ក៏មានអ្នកលេងបណ្តាញសង្គមហ្វេសបុកជាច្រើន បានបង្ហាញនូវការសោកស្តាយយ៉ាងក្រែលែង ចំពោះការបាត់បង់សិល្បការិនីរបាំបុរាណខ្មែរយើង ដែលមានសមត្ថភាព ថែមទាំងមានរូបសម្រស់ស្រស់ស្អាតបែបនេះ និងបានចូលរួមខមិនរំលែកទុក្ខចំពោះក្រុមគ្រួសារសពផងដែរ។
ចំពោះព័ត៌មានលម្អិតយ៉ាងណានោះ យើងនឹងធ្វើបច្ចុប្បន្នភាពបន្តទៀត៕ ដោយ៖ កូលាប ក្រហម