ភ្នំពេញ៖ មិនធម្មតានៅក្នុងថ្ងៃខួបកំណើតលោក ឆន សុវណ្ណារាជ ឆ្នាំនេះមានគេជូនកាដូសុទ្ធតែចិញ្ចៀនពេជ្រ និងលុយសុទ្ធ១ម៉ឺនដុល្លារផ្អើលអ្នកគាំទ្រ។
ជាមួយនឹងស្នាមញញឹមបិទមាត់មិនជិតដោយក្តីរំភើបនិងភាពសប្បាយរីករាយ ដែលនៅក្នុងថ្ងៃខួបកំណើតមានអ្នក Surprise កាដូលុយសុទ្ធនិងចិញ្ចៀនពេជ្របែបនេះ លោក ឆន សុវណ្ណារាជ បាននិយាយថា «រំភើបពេកអត់ដឹងនិយាយថាម៉េច អរគុណខ្លាំងណាស់បងប្អូនទាំងអស់គ្នា កាដូពិសេស១០.០០០ម៉ឺនដុល្លារ ចិញ្ចៀនពេជ្រមួយវង់ វាមិនច្រើនសម្រាប់អ្នកខ្លះ តែវាមានន័យណាស់សម្រាប់ខ្ញុំ អរគុណគ្រប់យ៉ាង Love you ខួបកំណើតមានន័យ»។
លោកបន្តទៀតថា «ឆ្នាំនេះខួបកំណើតមានន័យណាស់ រំភើប ឆ្នាំក្រោយៗសុំ់អ៊ីចឹងទៀតមកណា ច្រើនជាងនឹងទៀតក៏អត់ថាអីដែរ អរគុណខ្លាំងណាស់»។
ក្រោយការបង្ហោះរួច ក៏មានហ្វេនៗជាច្រើនចំហមាត់ភ្ញាក់ផ្អើលនិងកាដូដែលអាយដលខ្លួនបានទទួលនេះ ហើយក៏បាន share ចែករំលែកបន្ត ជាមួយ caption បែបកំប្លែងថា «ខួបកំណើតខ្ញុំ មិនសុំអ្វីច្រើនទេ តែប៉ុណ្ណឹងគ្រប់គ្រាន់ហើយ»។
យ៉ាងណាក៏ដោយយើងក៏មិនដឹងថាតើម្ចាស់កាដូជានណាឲ្យប្រាកដដែរ ព្រោះទំនងជាអ្នកទទួលចង់ទុកវាជាអាថ៌កំបាំង៕ ដោយ៖ កូលាប ក្រហម
