ភ្នំពេញ៖ ក្រោយពីបញ្ចេញឡានបែន គ្រឿងដើម្បីប្រមូលសំរាមដែលកកកុញអស់ជាច្រើនសប្តាហ៍ក្នុងរាជធានីភ្នំពេញ ពេលនេះលោក ឡេង ណាវ៉ាត់ត្រា បានប្រកាសបន្ទាន់ជ្រើសរើសបុគ្គលិកប្រមូលសំរាមជាង៣០០នាក់ និងឡានបែន៨០គ្រឿងបន្ថែមទៀត ដើម្បីប្រមូលសំរាមឲ្យបានទាន់សភាពការណ៍។
តាមរយៈទំព័រហ្វេសបុករបស់លោកបានបង្ហោះនៅមុននេះបន្តិច បានឲ្យដឹងថា «ក្រុមហ៊ុន ឡេង ណាវ៉ាត្រា ត្រូវការជ្រើសរើសបុគ្គលិក៖ -តៃកុងគ្រឿងចក្រសាស័រ ចូកសំរាម ប្រភេទតូច ចំនួន៤៥នាក់ វេនថ្ងៃប្រាក់ខែ៤០០ដុល្លារ វេនយប់ប្រាក់ខែ ៥០០ដុល្លារ។ -កម្មករដើរតាមសាស័រ ចំនួន៣០០នាក់ វេនថ្ងៃប្រាក់ខែ ៣៥០ដុល្លារ វេនយប់ ៤០០ដុល្លារ។ -ត្រូវការជួលឡានប៉ែនបន្ទាន់ វេនថ្ងៃមួយខែ១.៥០០ដុល្លារ វេនយប់១.៧០០ដុល្លារ មួយថ្ងៃធ្វើការ១០ម៉ោង ៨០គ្រឿងបន្ទាន់ ដើម្បីចូលរួមដោះស្រាយការ កកស្ទះសំរាម0963360486 , 069341888 , 0968018853
0965760516។
ដូចការជំរាបជូនខាងលើ ប្រសិនបើបងប្អូនមានចំណាប់អារម្មណ៍ អាចទាក់ទងទៅកាន់លេខទូរស័ព្ទចំនួន៤ខ្សែខាងលើបាន។
គួរបញ្ជាក់ផងដែរថា មូលហេតុដែលបណ្តាលឱ្យមានកាកកស្ទះសំរាមយ៉ាងច្រើន ក្នុងរាជធានីភ្នំពេញដូច្នេះ គឺដោយសារតែកម្មកកម្មការិនីប្រមូលសំរាមរបស់ក្រុមហ៊ុន ស៊ីនទ្រី បានធ្វើកូដកម្មមិនព្រមប្រមូលសំរាម ដើម្បីទាមទារប្រាក់អត្ថប្រយោជន៍ផ្សេងៗ ពីក្រុមហ៊ុនតាមកិច្ចសន្យាដែលបានព្រមព្រៀងគ្នារវាងបុគ្គលិកនិងក្រុមហ៊ុន កាលពីពេលកន្លងទៅ៕ ដោយ៖ កូលាប ក្រហម