ភ្នំពេញ៖ មនុស្សយើងម្នាក់ៗ គឺមានកិត្តិយស និងតម្លៃសេចក្តីថ្លៃថ្នូររៀងៗខ្លួន ។ ប៉ុន្តែ ក្នុងករណីមនុស្សណាម្នាក់មានជម្លោះរឿងហេតុអ្វីមួយ ហើយមិនយកការដោះស្រាយដោយចិត្តត្រជាក់ គោរពគ្នាទៅវិញទៅមក តែផ្ទុយទៅវិញបែរជាបង្កដូចជាហិង្សា ឬ កាយវិការដ៏មិនសមរម្យណាមួយ ទៅលើអ្នកដទៃ នោះត្រូវបានចាត់ទុកថាជាពលរដ្ឋដែលមិនមែនសេចក្តីថ្លៃថ្នូរនៅក្នុងសង្គមឡើយ។
តួយ៉ាង ដូចជាបុរសវ័យចំណាស់ម្នាក់នេះ បានធ្វើឲ្យមហាជនរិះគន់យ៉ាងចាស់ៗដៃតែម្តង ក្នុងករណីចាប់ក្របួចកអាវបុរសវ័យក្មេងម្នាក់ជាម្ចាស់រថយន្តរងគ្រោះ ដែលបានចោទប្រកាន់បុរសខាងលើនេះថា បានបើកបុកគូទរថយន្តស៊េរីទំនើបខ្លួន ហើយព្យាយាមបើករត់គេច ពេលជិះដេញតាមកាក់ឈប់ ខឹងពេកក៏គោះរថយន្ត១ដៃទៅ។
បើតាមម្ចាស់រថយន្តរងគ្រោះបានប្រាប់ឲ្យដឹងថា បុរសបើករថយន្តបង្ក សុំចេញសំណងការខូចខាត (បែកស្តុប) ត្រឹមតែ 20$ តែគាត់មិនព្រម ហើយក៏ព្រមព្រៀងគ្នាឲ្យទៅដូរកន្លែងលក់គ្រឿងបន្លាស់ទើបដឹងថាអស់ប៉ុន្មាន។ ប៉ុន្តែ នៅពេលជិះចូលអែបខាងផ្លូវ គាត់ (ម្ចាស់រថយន្តរងគ្រោះ) សុំឲ្យម្ចាស់រថយន្តបង្ក ចូលជិះទៅដូរជាមួយគ្នា ក៏ស្រាប់តែរថយន្តបង្កបើករថយន្តចេញទៅវូ (មិនដឹងបំណងអ្វី) ដែលជាហេតុធ្វើឲ្យគាត់ផ្ទុះកំហឹង ជិះដេញតាមកាក់ដាល់ក្បាលរថយន្ត១ដៃរាងធ្ងន់តែម្តង។
ចំណែកបុរសម្ចាស់រថយន្តបង្កវិញ ក៏បាននិយាយដោះបន្ទុកថា គាត់បើករថយន្តមកឈប់នៅទីនេះ មិនមែនរត់គេចទេ គឺព្រោះតែហេតុផលមិនចង់ឲ្យស្ទះគេឯងប៉ុណ្ណោះ។
តែទោះយ៉ាងណា ទង្វើនៃកាយវិការដ៏មិនសមរម្យ និងសម្តីអ្ហែងអញដ៏គ្មានសុជីវធម៌របស់គាត់ ដែលមិនគួរគប្បីធ្វើបែបនេះ បានធ្វើឲ្យមហាជនជាច្រើនរិះគន់ដ៏អាក្រក់ៗថា៖ «ចាស់ចរឹកឈ្លើយ, បួងកអាវប៉ះចំលើអ្នកស្លូតទេ បើបួងកអាវប៉ះចំអ្នកកាចវិញ បើឯងមិនងាប់ក៏ក្បែរងាប់ដែរ កុំចេះតែហ៊ានឲ្យសោះវើយ, អាកញ្ចាស់នេះនិយាយមករៀងឈ្លើយ សុទ្ធតែអញម៉ង បើខ្ញុំវិញហ៊ានតែមកចាប់កអាវខ្ញុំ វាយតាឯងជ្រុះធ្មេញគ្មានស្គាល់ចាស់ឡូវនឹង សំណាងហើយតាឯងប៉ះចំគេស្លូត…»៕ ដោយ៖ លឹម ហុង
