ខេត្តព្រះសីហនុ ៖ យោងតាមរបាយការណ៍គណៈកម្មាធិការជាតិគ្រប់គ្រងគ្រោះមហន្តរាយ នាថ្ងៃទី១១ ខែតុលា ឆ្នាំ២០២០ បានចេញសេចក្តីជូនដំណឹងស្តីពីបច្ចុប្បន្នភាព នៃការវិវឌ្ឍន៍ព្យុះទី១៥ ឈ្មោះ លីន ហ្វា និងព្យុះដែលនឹងចាប់កំណើតជាបន្តបន្ទាប់។
ជាមួយគ្នានោះ គណៈកម្មាធិការខាងលើ បានបញ្ជាក់ថា នៅថ្ងៃទី១២នេះ ព្យុះទី១៥ ឈ្មោះ លីន ហ្វា នឹងបង្កឲ្យឥទ្ធិពលលើទឹកទន្លេនៅភាគឥ្ឍសាន ដូចជាសេកុងសេសាន និងស្រែពក ប្រសិនមានភ្លៀងច្រើន អាចក្លាយជាជំនន់។
ដោយឡែក ព្យុះទី១៦ ឈ្មោះ ណាងកា (អាចនឹងកើតនៅថ្ងៃទី១២) ដោយព្យុះនេះ អាចនឹងកើតឡើង នៅសមុទ្រចិនខាងត្បូង។ នៅថ្ងៃទី១៣ ដល់ ១៤ ព្យុះខានេះមានឥទ្ធិល លើកោះហាយណាំប្រទេសចិន។
ដោយឡែកថ្ងៃទី១៤ ដល់១៥ ព្យុះទី១៦ (ណាងកា) បានថយឥទ្ធិពល និង ដើរមកក្រុងហាណូយ វៀតណាម។ ព្យុះនេះពុំមានឥទ្ធិពលមកលើកម្ពុជាទេ បើ មានក៏តិចតួចបំផុត។
ជាមួយគ្នានោះព្យុះ ទី១៧ ឈ្មោះ សូវឌែល (អាចនឹងកើតនៅថ្ងៃទី១៤)។ នៅថ្ងៃទី១៤ ព្យុះនេះ អាចនឹងកើតឡើងនៅ ខាងកើត ហ្វីលីពិន និងដើរឆ្ពោះមកសមុទ្រចិនខាងត្បូង។ ចំណែកថ្ងៃទី១៥ ដល់ទី១៧ ព្យុះសូវឌែលនេះ ធ្វើដំណើរពី សមុទ្រចិនខាងត្បូង ចូលមកភាគខាងត្បូង នៃប្រទេសវៀតណាម។ ដោយឡែកថ្ងៃទី១៨ ព្យុះនេះថយឥទ្ធិពល និងចូល មកខេត្តរតនគិរី និងស្ទឹងត្រែង៕ដោយ៖បញ្ញាស័ក្តិ
