បាត់ដំបង៖ លោកឧត្តមសេនីយ៍ត្រី សាត គឹមសានស្នងការនគរបាលខេត្តបាត់ដំបង បានដាក់បទបញ្ជាឱ្យលោកស្នងការរងទទួលផែននិងអធិការនគរ បាលក្រុងបាត់ដំបង ធ្វើការស្រាវជ្រាវនិង បង្ក្រាប ករណីលួចលាក់ប្រព្រឹត្តិល្បែងស៊ីសងខុសច្បាប់តាមប្រព័ន្ធអនឡាញ Internet Online ។
ក្រុមការងារប្រតិកម្មរហ័សនៃស្នងការដ្ឋាននគរ បាលខេត្តបាត់ដំបង មានកិត្តិយសសូមជម្រាបជូន សាធារណជន ពិសេសបងប្អូនអ្នកនិយមប្រើ ប្រាស់បណ្តាញសង្គមបានជ្រាបថា ដោយកត់សំ គាល់ឃើញគេហទំព័រ ឬអ្នកប្រើប្រាស់បណ្តាញសង្គមលោកធ្វើការស៊ែរចែកចាយនូវរូបភាពនិង ព័ត៌មានលើកឡើងថា នៅក្នុងក្រុងបាត់ដំបង មាន ទីកន្លែងលេងល្បែងតាមប្រព័ន្ធអនឡាញ Internet Online ហើយបញ្ហានេះមិនមានអាជ្ញាធរក្រុងឬសមត្ថកិច្ច មូលដ្ឋានចាត់វិធានការ បង្ក្រាប ។
ក្នុងខ្លឹមសារខាងលើនេះពិនិត្យឃើញមានកាល បរិច្ឆេទផ្សព្វផ្សាយនៅថ្ងៃទី ១៤ ខែ សីហា ឆ្នាំ ២០ ២០ កន្លងទៅ ហើយបើទោះបែបនេះក្តីក្នុងខណៈ ពេលនេះ លោកឧត្តមសេនីយ៍ត្រី សាត គឹមសាន ស្នងការនៃស្នងការដ្ឋាន នគរបាលខេត្តបាត់ដំបង បានដាក់បទបញ្ជាទៅលោកវរសេនីយ៍ឯក លឹម ពុទ្ធីឡា ស្នងការរងទទួលផែនការងារ នគរបាល ព្រហ្មទណ្ឌ និងលោកវរសេនីយ៍ឯក ឆាង វណ្ណឆៃ អធិការនៃអធិការដ្ឋាននគរបាលក្រុងបាត់ដំបង ចាត់វិធានការស្រាវជ្រាវចំពោះបញ្ហាដូចបាន លើកឡើងខាងលើនេះហើយ ។
ករណីរកឃើញថា ទីតាំងដូចបានលើកឡើងខាងលើបានប្រព្រឹត្តិខុសច្បាប់ដូចបានលើក ឡើងនោះសមត្ថកិច្ចនឹងចាត់វិធានការស្របតាម ច្បាប់ជាធរមាន។
លោកបន្តថា ដូចបានជម្រាបជូនខាងលើសូមសាធារណជន ពិសេសបងប្អូនអ្នកសារព័ត៌មានឬអ្នកនិយមប្រើប្រាស់បណ្តាញសង្គមមេត្តាជ្រាប និងសូមបន្តចូលរួមសហការជាមួយសមត្ថកិច្ចនគរបាលដោយភាតរភាពបំផុត ជាមួយនេះក៏សូមថ្លែងអំណរគុណចំពោះការចូលរួមផ្តល់នូវព័ត៌មានពីមហាជននៅគ្រប់មជ្ឈដ្ឋានមកកាន់ ស្នងការដ្ឋាននគរបាលខេត្តបាត់ដំបងតាមគ្រប់មធ្យោបាយ៕ ដោយ៖បញ្ញាស័ក្តិ
