គ្រោះធម្មជាតិជំនន់ទឹកភ្លៀង ឃើញថានៅពេលនេះ បានកើនឡើងជាបន្តបន្ទាប់ ដោយសារតែមេឃធ្លាក់ភ្លៀងឥតស្រាកស្រានជាប់ៗគ្នា ដែលជាហេតុធ្វើឲ្យតំបន់ជាច្រើនតាមបណ្តាខេត្ត និងក្រុងនៅទូទាំងប្រទេសកម្ពុជា កំពុងរងការលិចលង់ និងបង្កឲ្យប៉ះពាល់យ៉ាងធ្ងន់ធ្ងរដល់ជីវភាពរស់នៅរបស់ប្រជាពលរដ្ឋ ក្នុងនោះហេដ្ឋារចនាសម្ព័ន្ធ ទ្រព្យសម្បត្តិរដ្ឋ និងទ្រព្យសម្បត្តិឯកជនមួយចំនួនទៀតផងដែរ។
ទាក់ទងនឹងបញ្ហាគ្រោះជំនន់ទឹកភ្លៀងដ៏ធ្ងន់ធ្ងរជាប្រវត្តិសាស្ត្រ ដែលកំពុងកើតមានឡើងចំពោះមុខនេះផងដែរ ថ្មីៗនេះ មហាជនជាច្រើនក៏មានការភ្ញាក់ផ្អើលចាប់អារម្មណ៍យ៉ាងខ្លាំង ចំពោះការទស្សន៍ទាយពីអ្នកគ្រូ Master Naly Feng Shui ដែលបានធ្វើឡើងតាមរយៈកញ្ចក់ទូរទស្សន៍ PNN ក្នុងកម្មវិធីហុងស៊ុយបែបវិទ្យាសាស្ត្រកាលពីអំឡុងចុងឆ្នាំ២០១៩ ដោយអ្នកគ្រូបានទស្សន៍ទាយយ៉ាងឆុតថា ឆ្នាំ២០២០ នឹងកើតមានរឿងរ៉ាវអាក្រក់ៗជាច្រើន ក្នុងនោះគ្រោះថ្នាក់ចរាចរណ៍ និងពិសេសគឺគ្រោះធម្មជាតិទឹកជំនន់គឺមានសភាពធ្ងន់ធ្ងរខ្លាំង។
ក្រៅពីនេះ អ្នកគ្រូក៏បានព្យាករណ៍ថា អាកាសធាតុដ៏ត្រជាក់បំផុត ក៏នឹងកើតមាននៅចុងឆ្នាំ២០២០ នេះផងដែរ ដែលអាចធ្វើឲ្យមនុស្សចាស់ៗស្លាប់ ព្រោះតែពុំអាចទ្រាំទ្របាន។ ដើម្បីជ្រាបកាន់តែច្បាស់សូមប្រិយមិត្តរីករាយទស្សនានូវការទស្សន៍ទាយរបស់អ្នកគ្រូណាលីតាមរយៈវីដេអូខាងក្រោម៕ ដោយ៖ លឹម ហុង