ភ្នំពេញ៖ លោកហេង រតនា អគ្គនាយកស៊ីម៉ាក់ បានថ្លែងថា ក្រុមជំនាញមុជទឹកកម្ទេចយុទ្ធភណ្ឌមិនទាន់ផ្ទុះនៃប្រទេសប៉ូឡូញ បានកម្ទេចគ្រាប់បែកទម្លាក់ពីយន្តហោះមានឈ្មោះហៅថា Tallboy ឬEarthquake bomb (គ្រាប់បែករញ្ជួយផែនដី) ដែលមានទម្ងន់១២.០០០ផោន ប្រមាណ៥តោន៤៤៦គីឡូក្រាម (៥.៤៤៦គីឡូក្រាម) ផលិតនិងទម្លាក់ដោយកងទ័ពអង់គ្លេស។
លោកបានថ្លែអថា គ្រាប់បែកនេះទម្លាក់លើកងទ័ពជើងទឹកអាល្លឺម៉ង់ឈរជើងនៅប្រទេសប៉ូឡូញ ក្នុងឆ្នាំសង្គ្រាមលោភលើកទី២ ក្នុងឆ្នាំ១៩៤៥! ៧៥ឆ្នាំក្រោយ គ្រាប់បែកនេះទើបតែរកឃើញនៅឆ្នាំ២០១៩ នៅពេលស្តារផ្លូវទឹកនាវាចរឱ្យជ្រៅជាងមុន! ការកម្ទេចនេះត្រូវជម្លៀសប្រជាជន៧៥០គ្រួសារ ក្នុងចម្ងាយប្រមាណជិត៣គីឡូម៉ែត្រ!។
សូមបញ្ជាក់ថា អង្គភាពស៊ីម៉ាក់មានក្រុមជំនាញមុជទឹក ដែលមានសមត្ថភាពបោសសម្អាតគ្រាប់បែកទម្លាក់ពីយន្តហោះ និងសំណល់គ្រាប់ពីសង្គ្រាម នៅក្រោមទឹកប្រកបដោយវិជ្ជាជីវៈ និងសមត្ថភាពខ្ពស់ក្នុងការបម្រើប្រតិបត្តិការប្រកបដោយប្រសិទ្ធភាព និងសុវត្ថិភាព! ខែ្មរអាចធ្វើបាន! ក្នុងការបោសសម្អាតគ្រាប់បែកទម្លាក់ពីយន្តហោះ និងសំណល់ជាតិផ្ទុះពីសង្គ្រាមក្រោមបាតទឹកសាប ទឹកសមុទ្រនៃព្រះរាជាណាចក្រកម្ពុជា!៕ដោយ៖បញ្ញាស័ក្តិ