ស្ត្រីជនជាតិចិនម្នាក់ឈ្មោះ Xiaoli ដែលមកពីភាគខាងត្បូងនៃទីក្រុង Shenzhen បានកំពុងទទួលការកោតសរសើរជាខ្លាំង បន្ទាប់ពីនាងបានស្នើសុំមិត្តប្រុសរបស់នាងចំនួន ២០ នាក់ ឲ្យទិញទូរស័ព្ទ iPhone 7 ក្នុងម្នាក់១គ្រឿងៗ ។ ហើយបន្ទាប់មក នាងក៏បានលក់ពួកវាទៅឲ្យក្រុមហ៊ុនវិញ និងយកលុយលក់បាន ដើម្បីទិញផ្ទះថ្មីមួយ ។
រឿងរ៉ាវរបស់នាងបានរីករាលដាល បន្ទាប់ពីអ្នកប្រើប្រាស់អ៊ីនធើរណេតម្នាក់ឈ្មោះថា Proud Qiaoba បានបង្ហោះរឿរ៉ាវរបស់នាងនៅលើបណ្តាញសង្គមចិន Weibo ។
Proud Qiaoba ក៏បានបញ្ចេញថា Xaioli មិនមែនចេញពីគ្រួសារអ្នកមានទេ តែនាងគឺជាកូនស្រីច្បងនៅក្នុងចំណោមសមាជិកគ្រួសាររបស់នាង ហើយម្តាយរបស់នាងធ្វើការជាមេផ្ទះ ខណៈឪពុករបស់នាងគឺជាពលករចំណាកស្រុក ។
ឪពុកម្តាយរបស់នាង ក៏កាន់តែចាស់ទៅហើយៗ នាងអាចស្ថិតក្រោមសម្ពាធច្រើន ដោយសង្ឃឹមនឹងទិញឲ្យពួកគាត់នូវផ្ទះថ្មីមួយ… ប៉ុន្តែ វានៅតែមិនគួរឲ្យជឿថា នាងអាចប្រើប្រាស់វិធីសាស្ត្រនេះ! ។
អ្នកលេងអ៊ីនធើរណេតជាច្រើន បានសម្តែងការចាប់អារម្មណ៍ចំពោះជំនាញរបស់នាង ខណៈអ្នកខ្លះទៀតមិនសប្បាយចិត្ត ។
អ្នកលេងម្នាក់សរសេរថា៖ «ខ្ញុំសូម្បីពុំអាចស្វែងរកមិត្តប្រុសម្នាក់ ។ នាងពិតជាអាចស្វែងរកមិត្តប្រុស ២០ នាក់ នៅក្នុងពេលតែមួយ ហើយសូម្បីឲ្យពួកគេទិញ iPhone 7 ដល់នាងទៀតផង ។ គ្រាន់តែចង់ស្នើនាងជួយបង្រៀនខ្ញុំឲ្យចេះពីជំនាញបែបនេះផង!» ។ រីឯអ្នកដទៃទៀតបានរិះគន់ថា Xiaoli ជាមនុស្សអសិលធម៌ ខណៈមនុស្សមួយចំនួនទៀតក៏បានសង្ស័យថា ដំណើររឿងទាំងស្រុងរបស់នាង គឺជាការប្រឌិតឡើងប៉ុណ្ណោះ ។
ប៉ុន្តែ ខាងក្រុមហ៊ុនទូរស័ព្ទក៏បានបញ្ជាក់ថា ពួកគេបានទិញទូរស័ព្ទ iPhone 7s ចំនួន ២០ គ្រឿង ពីអតិថិជនស្រីម្នាក់ ក្នុងតម្លៃប្រហែល ៥,៧៥០ យន់ (ជាង ៩០០ ដុល្លារ) ក្នុង១គ្រឿង ៕
