ភ្នំពេញ៖ ជឿជាក់ថា មជ្ឈដ្ឋានមហាជននៅក្នុងបណ្តាញសង្គមជាច្រើន ប្រាកដជាបានស្គាល់ហើយ តារាចម្រៀងស្រីស្ថិតក្នុងទ្រនំផលិតកម្មរស្មីហង្សមាស ហើយក៏ជាអតីតបេក្ខភាព The Voice Cambodia រដូវការទី២ កញ្ញា ឈីន រតនៈ ជាតារាចម្រៀងមួយដួង កំពុងទទួលបានការចាប់អារម្មណ៍ និងគាំទ្រយ៉ាងច្រើនពីទស្សនិកជន ចំពោះទេពកោសល្យ និងការសម្តែងដ៏ប៉ិនប្រសប់របស់នាង។
ពិតមែនហើយ ដោយសារមានការជំរុញលើកទឹកចិត្ត និងការគាំទ្រយ៉ាងច្រើនពីសំណាក់ទស្សនិកជន កញ្ញា ឈីន រតនៈ ក៏បានសម្រេចចិត្តចូលប្រឡងក្នុងកម្មវិធីប្រកួតប្រជែងប្រឡងតារាចម្រៀងអាជីព I Am a Singer Cambodia ជាថ្មី ដែលក្នុងចំណោមនោះ មានបេក្ខជនជាតារាចម្រៀងដែលសុទ្ធតែល្អៗពោរពេញដោយសមត្ថភាព។
តែយ៉ាងណា បើទោះបីជាគ្រប់សប្ដាហ៍ទាំងអស់ តារាស្រីរូបនេះបានបញ្ចេញសមត្ថភាពរបស់ខ្លួនបានល្អយ៉ាងណាក៏ដោយ តែគួរឲ្យសោកស្ដាយ នៅទីបំផុតនាងនៅតែមិនអាចក្លាយជាម្ចាស់ពានរង្វាន់ ដូចក្ដីស្រម៉ៃដដែល ដែលធ្វើឲ្យនាងខកចិត្តយ៉ាងខ្លាំង។
យ៉ាងណាមិញ ក្រោយការប្រឡងត្រូវបានបញ្ចប់កន្លងផុតអស់មួយរយៈទៅនេះ ថ្មីៗនេះ កញ្ញា ឈីន រតនៈ ក៏បានចូលរួមសម្ភាសន៍នៅក្នុងកម្មវិធីកម្សាន្តមួយ គឺកម្មវិធី «ចឹងហ្អ៎» ដោយពិធីករបានជជីកសួរពីខ្សែជីវិតរបស់នាងជាច្រើនផងដែរ។
ដោយឡែក ដល់វគ្គសួរនាំអំពីអារម្មណ៍របស់នាងក្រោយពីពុំទទួលបានពានរង្វាន់ ស្រាប់តែ ឈីន រតនៈ ក៏បានបញ្ចេញអារម្មណ៍ពិតក្នុងចិត្តមួយចំនួនទាំងអួលដើម ក និងហូរទឹកភ្នែកពុំឈប់ដែលធ្វើឲ្យគ្រប់គ្នានៅក្នុងកម្មវិធីរំជួលចិត្តប្រែទឹកមុខស្រងោតស្រងាត់គ្រប់គ្នាតែម្តង ព្រោះថាការរៀបរាប់នាង គឺពិតជាមានអត្ថន័យជ្រាលជ្រៅ និងគួរឲ្យអាណិតខ្លាំងណាស់ សម្រាប់ខ្សែជីវិតតស៊ូរបស់នាងក្នុងនាមជាកូនស្រីម្នាក់ មានតែម្តាយជាស្ត្រីមេម៉ាយដែលសព្វថ្ងៃកំពុងមានជំងឺរ៉ៃរ៉ាំប្រចាំកាយ។
ក្នុងនោះ នាងបានរៀបរាប់ឲ្យដឹងថា នេះជាការបរាជ័យលើកទី២ហើយ ដែលធ្វើឲ្យរូបនាងមានការសោកស្តាយយ៉ាងខ្លាំង ព្រោះតែក្តីស្រម៉ៃរទាំង២លើកនេះមិនអាចធ្វើបាន។ ហើយអ្វីដែលពិសេសនោះ គឺពិតជាមានការតូចចិត្តខ្លួនឯងខ្លាំងណាស់ ដែលមិនអាចសម្រេចបំណងប្រាថ្នាក្នុងឆាកជីវិតរបស់ខ្លួនជូនម្តាយបាន ដែលសូម្បីតែសិក្សា…៕ ដោយ៖ លឹម ហុង
