ភ្នំពេញ៖ករណីលក់អាហារហូបចុកកាប់ថ្លៃ ឬគេហៅថាលក់ឆាប់ធ្វើសេដ្ឋី នោះមិនមែនជារឿងទើបកើតឡើងទេ តែវាជាវប្បធម៌ដ៏អាក្រក់មួយ ដែលគេតែងលេចឮអតិថិជនមួយចំនួន បានបញ្ចេញឲ្យដឹងជារឿយៗនៅលើបណ្តាញសង្គមហ្វេសប៊ុក។ ជាក់ស្តែង ដូចករណីថ្មីៗនេះអ៊ីចឹង បានធ្វើឲ្យមហាជនមានការហួសចិត្តយ៉ាងខ្លាំង នៅពេលបានដឹងថា គុយទាវ១ចាន៣ម៉ឺនរៀល។
នេះបើយោងតាមគណនីហ្វេសប៊ុកឈ្មោះ មហាគ្រួសារតាខ្មៅ ដែលទទួលសារពី (បង Sopheak Chan) បានបញ្ជាក់ថា (ផ្សារព្រែកជ្រៃ) ម៉ែអើយគុយទាវមួយចាន ៣ម៉ឺន អាហារពេលថ្ងៃ ញ៉ាំដប់នាក់ ស្ងោម្រះ ស្ងោជីឆាយ ចៀនជូរអែមត្រី ប្រហុកខ្ទីស អស់ ២៩ម៉ឺន ព្រះ គេជួយគាត់ គាត់ជួយគេវិញដែរតែជួយម៉ាហឹងម៉ង ទាហានគេទៅជួយប្រជាពលរដ្ឋកំពុងជួបគ្រោះជំនន់ទឹកភ្លៀងមិនបានដេក ទាំងកម្លាំងកាយចិត្ត គាត់វិញមិនបានជួយអីតែលក់តម្លាំដែលមិនគួរយកបានទៀត មិនមែនសុំឲ្យចែកទេ សុំត្រឹមលក់តែតម្លៃធម្មតាទៅ កុំលក់ឡើងពេក បើគេដឹងថាថ្លៃក៏មិនចូលដែរ។
ក្រោយពីបានឃើញឮបែបនេះ មហាជនបានបញ្ចេញប្រតិកម្មថា៖ «គ្រឿងផ្សំនាំចូលពីUSAមែន, លិចទឹកពេកទេដឹងបានលក់កោរអ៊ីចឹង, រកស៊ីម៉ាកហ្នឹង យកលុយគេបានតែម្តងទេ មិនយូរគង់បិទហាង ព្រោះគ្មានអ្នកណាគេចូលទៀតឡើយ, មួយចាន១ម៉ឺនរៀលថ្លៃពេកផង មួយគុណ ៣ ជិះកាត់ ក៏មិនចូលដែរ, ស្អែកសាកទៅញ៉ាំកន្លែងហ្នឹង ហើយហៅអ្នកសាព័ត៌មានទៅញ៉ាំហ្នឹងដែរ ឲ្យគាត់ឆាប់លក់ដាច់,….»៕ ដោយ៖ លឹម ហុង