ភ្នំពេញ៖ ឯកឧត្ដម ឃួង ស្រេង អភិបាលរាជធានីភ្នំពេញ បាននាំយកអំណោយមនុស្សធម៌របស់សម្តេចតេជោហ៊ុន សែន និងសម្តេចកិតិ្តព្រឹទ្ធបណ្ឌិតប៊ុន រ៉ានី ហ៊ុន សែន ជាសម្ភារ និងថវិកា មកចែកជូនបងប្អូន ប្រជាពលរដ្ឋរងគ្រោះដោយទឹក ជំនន់ទឹក ភ្លៀង៣៨៥គ្រួសារ ស្ថិតក្នុង៤សង្កាត់ គឺ ប្រទះឡាង,កំបូល,បឹងធំ,ភ្លើងឆេះរទេះនៅខណ្ឌកំបូល កាលពីព្រឹកថ្ងៃទី២០ តុលា ឆ្នាំ ២០២០ នៅទីតាំងវត្ដ សុវណ្ណអម្ពាហៅ (វត្ដស្វាយមាស) ។
ឯកឧត្ដម ឃួង ស្រេង អភិបាលរាជធានីភ្នំពេញ ក៏បានផ្តាំផ្ញើរសួរខុសទុក្ខពីសំណាក់សម្តេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុនរ៉ានីហ៊ុន សែន ប្រធានកាកបាទក្រហមកម្ពុជាដោយ សម្តេចទាំងទ្វេរបានគិតគូរអំពីសុខទុក្ខរបស់បងប្អូនប្រជាពលរដ្ឋទាំងដោយក្តីនឹករលឹក ។
ឯកឧត្ដមបានបន្ដថា៖ មិនត្រឹមតែសង្គ្រោះប្រជាពលរដ្ឋ មកលើទីទួលសុវត្ថិភាពទេ អាជ្ញាធរថែមទាំងបានរៀបចំផ្តល់អាហារជូនពួកគាត់ផងដែរ ប្រកបដោយការទទួលសុខត្រូវ និងអនុវត្តន៍តាមអនុសាសន៍ ដ៏ខ្ពង់ខ្ពស់របស់សម្តេចតជោ ហ៊ុន សែន នាយករដ្ឋមន្ដ្រីនៃកម្ពុជា ក្នុងការផ្គត់ផ្គង់ម្ហូបអាហរដល់កម្លាំងគ្រប់ប្រភេទថែមទៀត។ តាមអនុសាសន៍ដ៏ខ្ពង់ខ្ពស់របស់សម្ដេចតេជោនាយករដ្ឋមន្ដ្រី បានឲ្យរដ្ឋបាលរាជធានីភ្នំពេញយើងខ្ញុំនេះ រៀបចំផ្គត់ផ្គង់ស្បៀងអាហារជូនដល់បងប្អូនប្រជាពលរដ្ឋ ជាពិសេសទឹក មិនឲ្យបងប្អូនខ្វះបរិភោគនោះទេ។
ឯកឧត្ដម ឃួង ស្រេង បានបន្ដថា៖ ទន្ទឹមនិងការលំបាក់ដោយសារទឹកលិចនេះហើយ សូមបងប្អូនកុំភ្លេច អនុវត្តតាមអានុសាសន៍ របស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជាថា (ស្គាល់គ្នាក្នុងគ្រាក្រ ស្គាល់មិត្តល្អ ក្នុងគ្រា មានទុក្ខលំបាក) និងបានជួបជាមួយប្រជាពលរដ្ឋរង គ្រោះដោយ សារជំនន់ទឹកភ្លៀងដោយផ្ទាល់ ក្រោមកិច្ចសហការ ពីអាជ្ញាធរ រដ្ឋបាលសាលារាជធានីភ្នំពេញ និងអាជ្ញាធរពាក់ព័ន្ធគ្រប់លំដាប់ថ្នាក់ នៅថ្នាក់សង្កាត់ថ្នាក់ខណ្ឌ ៕ដោយ៖បញ្ញាស័ក្តិ