ភ្នំពេញ៖ នៅថ្ងៃទី២០ ខែតុលា ឆ្នាំ២០២០នេះ សាលាឧទ្ធរណ៍នៅរាជធានីភ្នំពេញបើកសវនាការជំនុំជម្រះលើបណ្តឹងសុំនៅក្រៅឃុំរបស់សមាជិកក្រុមខ្មែរថាវរៈចំនួនពីរនាក់ និងសកម្មជនមាតាធម្មជាតិកម្ពុជាចំនួន៣ នាក់។
លោក ហ៊ុន វណ្ណៈ និងអ្នកស្រី ឈឿន ដារ៉ាវី សមាជិកក្រុមខ្មែរថាវរៈត្រូវបានចាប់ខ្លួននៅថ្ងៃទី១៣ ខែសីហា ឆ្នាំ ២០២០ ពាក់ព័ន្ធនឹងការចូលរួមបាតុកម្មរបស់ពួកគេទាមទារឱ្យដោះលែងមេដឹកនាំសហជីព លោក រ៉ុង ឈុន។
នៅថ្ងៃទី៣ ខែកញ្ញា ឆ្នាំ២០២០ លោក ថុន រដ្ឋា កញ្ញា ឡុង គន្ធា និងកញ្ញា ភួន កែវរស្មី សកម្មជនមាតាធម្មជាតិកម្ពុជាត្រូវបានចាប់ខ្លួនបន្ទាប់ពីផ្សព្វផ្សាយព័ត៌មាននៅលើបណ្ដាញសង្គមអំពីគម្រោងដើរទៅកាន់ផ្ទះសម្តេចតេជោហ៊ុន សែន នាយករដ្ឋមន្ត្រីដោយស្ត្រីម្នាក់ដើម្បីបង្ហាញពីក្តីកង្វល់ពាក់ព័ន្ធនឹងបញ្ហាបរិស្ថានជុំវិញការអភិវឌ្ឍបឹងតាមោក ក្នុងរាជធានីភ្នំពេញ៕ដោយ៖បញ្ញាស័ក្តិ