អ្នកទាំងអស់គ្នាដែលជាអ្នកគាំទ្រកម្មវិធី MasterChef Cambodia ប្រាកដជាស្គាល់ច្បាស់ Judge រិទ្ធី ដែលជាគណកម្មការមួយរូបវាយតម្លៃបេក្ខជនក្នុងកម្មវិធីប្រឡង តែអ្វីដែលធ្វើឲ្យអ្នកលេងបណ្តាញសង្គមមានការភ្ញាក់ផ្អើលនោះ នៅមុននេះបន្តិចស្រាប់តែមានគណនីហ្វេសបុកមួយបានបង្ហោះថា ពេលនេះលោករិទ្ធី កំពុងស្ថិតនៅក្នុងបន្ទប់សង្គ្រោះបន្ទាន់ ក្នុងដំណាក់កាលចុងក្រោយ។
យោងតាមគណនីហ្វេសបុកមួយដែលមានឈ្មោះថា Manawin Chum បានអះអាងថា ខ្លួនជាអ្នករាប់អាននិងស្និតជាមួយលោករិទ្ធី បានបង្ហោះសាររួមជាមួយនិងរូបថតរបស់លោករិទ្ធីនៅមុននេះបន្តិចជាមួយនិងខ្លឹមសារថា «ខ្ញុំសុំកែព័ត៌មានវិញ ដោយសារទទួលព័ត៌មានច្រលំ គាត់មិនទាន់ទទួលមរណៈភាពទេ ដោយសារគាត់នៅដាក់អ៊ុកស៊ីសែនក្នុងបន្ទប់ ICU តែពេលនេះបងស្រីជាប្រពន្ធគាត់កំពុងរង់ចាំគាត់មកផ្ទះវិញហើយ ដំណាក់កាលចុងក្រោយហើយ»។ ក្រោយពីបានបង្ហោះសារបែបនេះនៅក្នុងបណ្តាញសង្គម អ្នកគាំទ្រកម្មវិធី MasterChef Cambodia ក៏ដូចជាអ្នកគាំទ្រលោករិទ្ធី មានការភ្ញាក់ផ្អើលជាខ្លាំង និងបានខមិនសួរនាំទៅកាន់ម្ចាស់សំណេរថាតើមានរឿងអ្វីបានជាលោករិទ្ធី ត្រូវចូលសង្គ្រោះបន្ទាន់ ធ្ងន់ធ្ងរដល់ថ្នាក់ដំណាក់កាលចុងក្រោយ ព្រោះបើតាមមើលពីរូបរាងខាងក្រៅរបស់លោកហាក់រឹងមាំនិងមានសុខភាពល្អណាស់។
យ៉ាងណាក៏ដោយសម្រាប់ព័ត៌មានលម្អិតអំពីបញ្ហានេះ យើងនឹងធ្វើការជម្រាបជូននៅពេលក្រោយ៕ ដោយ៖ កូលាប ក្រហម