ព្រះសីហនុ: កំលាំងអធិការដ្ឋាននគរបាលស្រុកព្រៃនប់ បានធ្វើការបង្រាបឃាត់ខ្លួនជនសង្ស័យម្នាក់ ដែលជាមុខសញ្ញាចែកចាយ និងរក្សារទុកសារធាតុថ្នាំញៀន ការឃាត់ខ្លួនធ្វើឡើង នៅរសៀលថ្ងៃទី១៦ ខែតុលា ឆ្នាំ២០១៧ ស្ថិតក្នុងភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ ។
តាមការអោយដឹងពីមន្ត្រីនគរបាលស្រុកព្រៃនប់ បានអោយដឹងថា ជនសង្ស័យដែលឃាត់ខ្លួនមានឈ្មោះ ឡោះ សាឡេះ ភេទ ប្រុស អាយុ ៣២ឆ្នាំ មុខរបរ អ្នកនេសាទ មានទីលំនៅភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ ។ដោយជនសង្ស័យបានយកថ្នាំញៀនមកលក់អោយអ្នករត់ម៉ូតូឌុប ក៏មានប្រជាពលរដ្ឋរាយការណ៍អោយសមត្ថកិច្ចទើបឈានដល់ការឃាត់ខ្លួនជនសង្ស័យបានតែម្តង និងមានការដកហូតវត្ថុតាងចាប់យករួមមាន៖ ១-ម្សៅសថ្លាចំនួន ១កញ្ចប់ធំនិង១កញ្ចប់តូច។
ក្រោយពីធ្វើការសាកសួរ ជនសង្ស័យរួចរាល់ហើយ និងវត្ថុតាងដែលដកហូតនោះត្រូវបាននគរបាលស្រុកព្រៃនប់ធ្វើនីតិវិធីបញ្ជូនទៅស្នងការដ្ឋានគរបាលខេត្តព្រះសីហនុ ដើម្បីកសាងសំណុំរឿងបន្ត បញ្ជូនទៅសាលាដំបូង ខេត្តព្រះសីហនុ ដើម្បីផ្តន្ទោសតាមច្បាប់៕ ដោយ ៖ បេឡា
