សៀមរាប ៖ មានជនបរទេសម្នាក់ បានស្លាប់នាវេលាម៉ោង ៩និង៤០នាទីព្រឹកថ្ងៃទី២១ ខែតុលា ឆ្នាំ២០២០ នៅចំណុចមន្ទីរពេទ្យបង្អែកខេត្តសៀមរាប ភូមិមណ្ឌល១សង្កាត់ ស្វាយដង្គំ ក្រុង/ខេត្ត សៀមរាប។
ជនរងគ្រោះឈ្មោះ LAMOOT JEAN REMY ARTHUR ភេទប្រុស កើតថ្ងៃទី៣–០៩–១៩២៤ ជនជាតិ បារាំង កាន់លិខិតឆ្លងដែនលេខ១៣CK៣៣៩៣០ មុខរបរ ចូលនិវត្តន៍ ស្នាក់នៅផ្ទះជួល ភូមិតាភុល សង្កាត់ស្វាយដង្គំ ក្រុង/ខេត្តសៀមរាប។
តាមការស្រាវជ្រាវរបស់សមត្ថកិច្ចជំនាញនិងលោកវេជ្ជបណ្ឌិត អ៊ិត ឆបឆរ័ត្ន គ្រូពេទ្យអមតុលាការបានសនិ្នដ្ឋានថា៖ ជនរងគ្រោះស្លាប់ដោយសារ ជំងឺរលាកសួតធ្ងន់ធ្ងរ។
បច្ចុប្បន្ន សមត្ថកិច្ចបានបញ្ជូនសាកសពទៅតម្កល់ទុកបណ្តោះអាសន្ននៅមន្ទីរពេទ្យមិត្តភាពខ្មែរ–សូវៀត រាជធានីភ្នំពេញ ដើម្បីរង់ចាំការសម្រេចពីក្រុមគ្រួសារនិងស្ថានទូត ៕ដោយ៖បញ្ញាស័ក្តិ