ភ្នំពេញ៖ រាជិនីក្រម៉ា មាន សូនីតា ក្រោយរងការរិះគន់ធ្ងន់ៗពីអ្នកលេងបណ្តាញសង្គមហ្វេសប៊ុក រឿង Copy Caption អ្នកដទៃមកធ្វើជារបស់ខ្លួនដោយមិនបានផ្តល់ Credit ឲ្យម្ចាស់ដើមនោះ ឥឡូវបានកែតម្រូវហើយ។
ការរិះគន់នេះបានផ្ទុះឡើង ក្រោយពីម្ចាស់សំណេរដើមដែលមានគណនីហ្វេសប៊ុកឈ្មោះ Doung Dara បានបង្ហោះសាយ៉ាងដូចច្នេះថា «Content របស់ Page ខ្ញុំអាចរសើបដល់ Idol មិនធម្មតា មិនកំណាញ់ទេតែជួយដាក់ Credit ឲ្យខ្ញុំផងបាទ Idol Good in copy without gave owner credit, Should Give someone #Respect»។ ក្រោយការបង្ហោះនេះរួច ក៏មានអ្នកលេងបណ្តាញសង្គមជាច្រើនបានចែករំលែកតៗគ្នា និងបញ្ចេញមតិរៀងខ្លួន ដោយហួសចិត្តមិនគួរណាតារាសម្តែងល្បីម្នាក់ដែលចូលចិត្តចេញវីដេអូអប់រំគេ បែរជាយកសំណេររបស់អ្នកដទៃមកបង្ហោះធ្វើជាកម្មសិទ្ធិផ្ទាល់ខ្លួនបែបនេះទៅវិញ។ ហើយនៅពេលអ្នកគាំទ្ររបស់នាងខំមិនសួរថា «ទ្រឹស្តីល្អ ខ្ញុំសុំកូពីបានអត់ ដោយការអនុញាត ស្រាប់តែកញ្ញា មាន សូនីតា ឆ្លើយឡើងរំភើយថា «បានណា»។ ក្រៅពីនោះក៏មានអ្នកលេងបណ្តាញសង្គមម្នាក់ទៀតបានចូលខំមិនថា «ឆ្ងល់ថាយករបស់គេមកផុសបន្ត ធ្វើដូចរបស់ខ្លួនឯងនិង មានអៀនខ្មាសខ្លះអត់ណ៎?? ហេតុអីមិនដាក់ credit ឲ្យ owner ផង…..»។ ក្រោយពីមានការរិះគន់និងចំអកខ្លាំងៗ ពីអ្នកលេងបណ្តាញសង្គម មាន សូនីតា ក៏បានកែរតម្រូវអត្ថបទដែលខ្លួនបានបង្ហោះ ដោយបន្ថែមឈ្មោះម្ចាស់ដើមនៅខាងក្រោម។
គួរបញ្ជាក់ផងដែរថា ការដែលយកសំណេរ ឬទ្រឹស្តីរបស់នរណាម្នាក់ មកនិយាយដោយមិនបានប្រាប់ពីប្រភពដើមនោះ គឺជារឿងខុសឆ្គងធ្ងន់បំផុត ហើយនៅក្នុងប្រទេសជឿនលឿន ប្រសិនបើសិស្សនិស្សិតណាបង្កើតកំហុសបែបនេះលើការប្រឡង ហើយខាងសាលាឬគ្រូទទួលបន្ទុកស៊ើបដឹង នឹងត្រូវឲ្យធ្លាក់ដោយស្វ័យប្រវត្តិ គ្មានសិទ្ធិប្រឡងទៀតនោះទេ។ យ៉ាងណាក៏ដោយសកលវិទ្យាល័យជាច្រើន នៅក្នុងប្រទេសកម្ពុជារបស់យើងបច្ចុប្បន្ន ក៏បានផ្តោតនិងដាក់មេរៀនរបៀបនេះ ដើម្បីបង្រៀនសិស្សនិស្សិតផងដែរ ហើយចំពោះសិស្សណា ដែលយកសំណេររបស់អ្នកដទៃ មកដាក់បញ្ចូលលើអត្ថបទខ្លួន ដោយមិនបានបញ្ជាក់ប្រភពដើមត្រឹមត្រូវ នឹងត្រូវកាត់ពិន្ទុ ឬធ្លាក់ដូចគ្នា៕ ដោយ៖ កូលាប ក្រហម