កោះកុង៖ អធិការដ្ឋាននគរបាលក្រុងខេមរភូមិន្ទ ចេញរបាយការណ៍ពីការជួញដូរចែកចាយគ្រឿងញៀនជាអំពើខុសច្បាប់។ ដោយបានការចង្អុលបង្ហាញពីលោកឧត្តមសេនីយ៍ទោ គង់ មនោ ស្នងការនគរបាលខេត្ត និងមានការសម្របសម្រួលនីតិវិធីដោយលោក អ៊ុន សុវណ្ណធានី ព្រះរាជអាជ្ញារង អមសាលាដំបូងខេត្ត និងក្រោមការដឹកនាំបញ្ជាផ្ទាល់ពីលោកវរសេនីយ៍ឯក យស់ ចាន់វិចិត្រ អធិការនគរបាលក្រុង នៅថ្ងៃទី២២ ខែតុលា ឆ្នាំ២០២០ វេលាម៉ោង២១ ផ្នែកប្រឆាំងគ្រឿងញៀន កម្លាំងប៉ុស្តិ៍នគរបាលទាំង៣ បានចុះល្បាត និងត្រួតពិនិត្យតាមបណ្ដោយផ្លូវជាតិលេខ៤៨ ស្ថិតក្នុងភូមិបឹងឃុនឆាង សង្កាត់ស្មាច់មានជ័យ បានឃាត់ខ្លួនជនសង្ស័យចំនួន៣នាក់ស្រី១នាក់ ។
លោកវរសេនីយ៍ឯក យស់ ចាន់វិចិត្រ អធិការនគរបាលក្រុងក្រុងខេមរភូមិន្ទ រួមមាន ៖ ១.ឈ្មោះ ឈន ស្រីមុំ ភេទស្រី អាយុ៣៣ឆ្នាំ ជនជាតិខ្មែរ មុខរបរខារ៉ាអូខេ ទីលំនៅភូមិ៣ សង្កាត់ស្មាច់មានជ័យ ២.ឈ្មោះ ដូង លីហេង ភេទប្រុស អាយុ២០ឆ្នាំ ជនជាតិខ្មែរ មុខរបរកម្មករ ទីលំនៅភូមិស្ទឹងវែង សង្កាត់ស្ទឹងវែង ៣.ឈ្មោះ ភួង ភិន ភេទប្រុស អាយុ២០ឆ្នាំ ជនជាតិខ្មែរ មុខរបរកម្មករ ទីលំនៅភូមិស្ទឹងវែង សង្កាត់ស្ទឹងវែង។
វត្ថុតាដកហូត : ម្សៅក្រាមសថ្លាសង្ស័យសាធាតុញៀន១កញ្ចប់ធំ ១កញ្ចប់តូច។ ទូរស័ព្ទដៃ១គ្រឿង ម៉ាក OPPO។ ម៉ូតូ១គ្រឿង ម៉ាកwave ពណ៌ខ្មៅ ផ្លាកលេខ កោះកុង១A-៦៧៣៨។
ក្រោយការសាកសួរនៅថ្ងៃ២៣ ខែតុលា ឆ្នាំ២០២០ វេលាម៉ោង១១និង០០នាទី កម្លាំងអធិការដ្ឋានបានសហការជាមួយកម្លាំងការិយាល័យជំនាញ បន្ដធ្វើការស្រាវជ្រាវ បានចុះធ្វើការឆេកឆេរផ្ទះមួយកន្លែង ស្ថិតក្នុងភូមិស្ទឹងវែង សង្កាត់ស្ទឹងវែង ឃាត់ខ្លួនជនសង្ស័យម្នាក់ទៀតឈ្មោះ លី រ៉ាឌី ភេទប្រុស អាយុ៣៩ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិស្ទឹងវែង សង្កាត់ស្ទឹងវែង ។ វត្ថុតាងដកហូត៖ ម្សៅក្រាមសថ្លាចំនួន ៧កញ្ចប់ធំ កាំភ្លើងសេកាចំនួន១ដើម និង គ្រាប់២៤គ្រាប់ ទូរស័ព្ទដៃ១គ្រឿង ម៉ាកOPPO។ ឧបករណ៍សម្រាប់ប្រើប្រាស់ថ្នាំញៀនមួយចំនួន
ក្រោយមកទៀតនៅថ្ងៃខែឆ្នាំដដែល កម្លាំងយើងបានបន្តឃាត់ខ្លួនជនសង្ស័យចំនួន៣នាក់ទៀត ១.ឈ្មោះ នួន អ៊ូម៉ើត ភេទប្រុស អាយុ៣៥ឆ្នាំ ជនជាតិខ្មែរ មុខរបរកម្មករ ទីលំនៅភូមិស្ទឹងវែង សង្កាត់ស្ទឹងវែង ២.ឈ្មោះ យៃ នី ភេទប្រុស អាយុ២៥ឆ្នាំ ជនជាតិខ្មែរ មុខរបរនេសាទ ទីលំនៅភូមិ៤ សង្កាត់ដងទង់។ ៣.ឈ្មោះ ក សឹម ភេទប្រុស អាយុ៣៩ឆ្នាំ ជនជាតិខ្មែរ មុខរបរនេសាទ ទីលំនៅភូមិ៤ សង្កាត់ដងទង់។ វត្ថុតាងដកហូត: ម្សៅក្រាមសថ្លាចំនួន១កញ្ចប់តូច ម៉ូតូ១គ្រឿង ម៉ាក wave ពណ៌ខ្មៅ ផ្លាកលេខកោះកុង ១A-២១២៩។
ទូរស័ព្ទដៃ ៣គ្រឿង (ម៉ាក Realme១គ្រឿង, Tecno១គ្រឿង iphone ១គ្រឿង) ឧបករណ៍សម្រាប់ប្រើប្រាស់មួយចំនួន
ជនសង្ស័យទាំង៧នាក់ រួមនឹងវត្ថុតាង កម្លាំងយើងបានបំពេញសំណុំរឿង បញ្ជូនទៅការិយាល័យជំនាញ ចាត់ការបន្តរតាមនីតិវិធី៕ ដោយ៖បញ្ញាស័ក្តិ