ភ្នំពេញ៖ នាព្រឹកថ្ងៃទី២៦ខែតុលានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសជាសាធារណៈបើកឱ្យធ្វើចរាចរណ៍បណ្ដោះអាសន្ន ផ្លូវក្រោមដីនៅរង្វង់មូលចោមចៅ ដើម្បីកាត់បន្ថយការកកស្ទះ និងសម្រួលដល់ការធ្វើដំណើររបស់ប្រជាពលរដ្ឋ។
មន្ទីរសាធារណការ និងដឹកជញ្ជូនរាជធានីភ្នំពេញ បានប្រកាសព័ត៌មានថា សម្តេចតេជោនាយករដ្ឋមន្ត្រី បានប្រកាសដាក់ឲ្យប្រើប្រាស់ជាបណ្តោះអាសន្ន ផ្លូវក្រោមដីអតីតរង្វង់មូលចោមចៅ តភ្ជាប់ចរាចរណ៍ពីផ្លូវជាតិលេខ ៤ ទៅមហាវិថីសហព័ន្ធរុស្ស៊ី នៅវេលាម៉ោង ១០ព្រឹកនេះ នឹងចាប់ផ្តើមធ្វើចរាចរណ៍ផ្លូវក្រោមដីតទៅ ៕ដោយ៖បញ្ញាស័ក្តិ
