ខេត្តរតនគិរី៖ ស្ត្រីម្នាក់បានឈឺពោះសម្រាលកូនកណ្តាលផ្លូវនាព្រឹកថ្ងៃទី២៦ ខែតុលា ឆ្នាំ២០២០ វេលាម៉ោងប្រមាណជា១០ព្រឹក តែសំណាងល្អសុវត្ថិភាពទាំងម្តាយនិងកូន។
ស្ដ្រីសម្រាលកូនកណ្តាលផ្លូវមានឈ្មោះ ទូច សុខខឿ រស់នៅភូមិប៉ក់ធំ ឃុំប៉ក់ញៃ ស្រុកអូរយ៉ាដាវ ខេត្តរតនគិរី។
ប្រភពបានឱ្យដឹងថា មុនពេលកើតហេតុស្ត្រីខាងលើបានឈឺពោះសម្រាលកូន ហើយក៏បានធ្វើដំណើរមកមណ្ឌលសុខភាពស្រុកអូរយ៉ាដាវ មិនទាន់ដល់ផង ស្រាប់តែឈឺពោះខ្លាំងហើយក៏បានសម្រាលកូននៅពាក់កណ្ដាលផ្លូវតែម្ដងដោយមានការសង្គ្រោះដោយបុគ្គលិកឆ្មបនៃមណ្ឌលសុខភាពស្រុកអូរយ៉ាដាវ។
បច្ចុប្បន្ន ស្ត្រីខាងលើរួមនិងកូន បានមកដល់មណ្ឌលសុខភាពស្រុកអូរយ៉ាដាវ ហើយទាំង២នាក់ម្តាយកូន មានសុខភាពល្អជាធម្មតា៕ ដោយ៖ កូលាប ក្រហម
