Vanessa Trump កូនប្រសាស្រីរបស់ Trump ព្រមទាំងមិត្តភក្តិ ២នាក់ ត្រូវបានគេបញ្ជូនទៅមន្ទីរពេទ្យមួយនៅទីក្រុងញូវយ៉ក បន្ទាប់ពីការប៉ះពាល់នឹងម្សៅពណ៌សចម្លែកនៅក្នុងស្រោមសំបុត្រ។
Donald Trump Jr. កូនប្រុសរបស់លោកប្រធានាធិបតី Donald Trump និងប្រពន្ធឈ្មោះ Vanessa Trump ។
ឈ្មោះអ្នកទទួលស្រោមសំបុត្រគឺ Donald Trump Jr. វាត្រូវបានបញ្ជូនទៅផ្ទះ របស់ Trump Jr និងភរិយារបស់គាត់ឈ្មោះ Vanessa នៅ Manhattan ថ្ងៃទី 12 ខែកុម្ភៈ។ Vanessa បានបើកស្រោមសំបុត្រនៅម៉ោងប្រហែល 10 ព្រឹកហើយបានប៉ះពាល់ជាមួយម្សៅពណ៌សចម្លែកខាងក្នុង។
នាយកដ្ឋានពន្លត់អគ្គីភ័យញូវយ៉កបាននិយាយថា នារី Vanessa និងមិត្តរួមបន្ទប់របស់នាងពីរនាក់ត្រូវបានគេនាំទៅមជ្ឈមណ្ឌលPresbyterian-Weill Cornell New York នៅញូវយ៉ក។ ក្រុមពន្លត់អគ្គីភ័យពីមុនបានកំចាត់មេរោគលើអ្នកទាំង៣ នៅកន្លែងកើតហេតុ។
ប៉ូលិស និងភ្នាក់ងារសម្ងាត់កំពុងស៊ើបអង្កេតរឿងនេះ។ ការស៊ើបអង្កេតដំបូងបានបង្ហាញថា ម្សៅពណ៌សមិនមានជាតិពុលទេ។
Trump Jr. គឺជាកូនប្រុសច្បងរបស់លោកប្រធានាធិបតីសហរដ្ឋអាមេរិច ជាមួយអតីតប្រពន្ធរបស់គាត់ អ៊ីវ៉ាណា។ Trump Jr. បានរៀបការជាមួយ Vanessa Kay Haydon នៅខែវិច្ឆិកា ឆ្នាំ 2005 នៅទីក្រុង Mar-a-Lago Florida។
នេះមិនមែនជាលើកទីមួយទេដែលកូនប្រុសរបស់លោកប្រធានាធិបតី Trump ត្រូវបានវាយប្រហារដោយសំបុត្រ។ នៅខែមីនាឆ្នាំ 2016 របស់របរ ១កញ្ចប់ ដែលសង្ស័យត្រូវបានបញ្ជូនទៅផ្ទះរបស់ Eric Trump ក្នុងទីក្រុងញូវយ៉ក៕ សូយន
