កម្មករដឹកជញ្ជូនចំនួន ៤នាក់ ត្រូវបានតុលាការប្រទេសបង់ក្លាដេសកាត់ទោសប្រហារជីវិត ពីបទរំលោភបូក និងសម្លាប់និសិត្សម្នាក់នៅលើរថយន្តក្រុង។ នេះបើតាមការចេញផ្សាយរបស់ទីភ្នាក់ងារសារព៌តមាន Xinhua នៅថ្ងៃអង្គារនេះ។
ចំនែកអ្នកគ្រប់គ្រងរថយន្តម្នាក់ក៏ត្រូវបានតុលាការកាត់ទោសឲ្យជាប់គុកចំនួន ៧ឆ្នាំផងដែរ និងពិន័យជាប្រាប់ ១.២០០ដុល្លា។
អ្នកតាមដានដែលនៅខាងក្រៅតុលាការ បានសំដែងការសាទរក្រោយពេលចៅក្រោម Abul Mansur Ahmed ប្រកាសសាលដីការកាត់ទោសប្រហារជីវិតជនល្មើសទាំងនោះ។
សូមរំលឹកថា និស្សិតច្បាប់ម្នាក់ឈ្មោះ Sultana Rupa ត្រូវបានជនខាងលើរំលោភបូក និងសម្លាប់ចោលនៅលើរថយន្តក្រុងដែលកំពុងបើក កាលពីខែសីហា ឆ្នាំមុន។ ករណីនេះបានធ្វើឲ្យមានការផ្ទុះកំហឹងទូទាំងប្រទេស៕ សុភ័ក្ត្រ
