ភ្នំពេញ៖ប្រជាពលរដ្ឋបានប្រទះឃើញសាកសពបុរសវ័យជាង៣០ឆ្នាំ ដែលបានអណ្តែតតាមទឹកទន្លេដោយមិនស្គាល់អត្តសញ្ញាណនៅទ្បើយ ហើយក៏មានការភ្ញាក់ផ្អើលដល់បងប្អូនប្រជាពលរដ្ឋនៅក្នុងភូមិនិងសមត្ថកិច្ចមូលដ្ឋាន។
ហេតុការណ៍នេះបានកើតទ្បើងនៅវេលាម៉ោង៥និង២០នាទីនៅរសៀលថ្ងែទី២៨ខែតុលាឆ្នាំ២០២០ដែលទីតាំងស្ថិតនៅក្នុងភូមិក្បាលជ្រោយ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។
តាមប្រភពព័ត៌មានពីបងប្អូនប្រជាពលរដ្ឋបានប្រទះឃើញសាកសពបុរសម្នាក់បានអណ្តែតតាមទឹកទន្លេដោយមិនទាន់ដឹងថាជាករណី ឃាតកម្ម ឬជាករណីលោតទឹកសម្លាប់ខ្លួននៅទ្បើយទេ។
បើតាមសម្តីបងប្អូនប្រជាពលរដ្ឋ ជាអ្នកនេសាទត្រីបានប្រាប់ក្រុមការងារCENថាឃើញសាកសពអណ្តែតតាមច្រោះទន្លេ ហើយក៏មានការភ្ញាក់ផ្អើលហើយនិងបានឃើញបានរាយការណ៍ដល់កម្លាំងសមត្ថកិច្ចមូលដ្ឋានបានចុះមកដល់កន្លែងកើតហេតុ បានរាយការណ៍បន្តទៅសមត្ថកិច្ចជំនាញខាងកោស្យវិច័យហើយបានទាញមកលើកគោក ដើម្បីស្វែងរកសាច់ញាតិ យកទៅធ្វើបុណ្យនៅឯស្រុកកំណើត៕ដោយ៖ផាន់ណា មីដា