ភ្នំពេញ៖ អ្នកលេងបណ្តាញសង្គមប្រាកដជាបានស្គាល់ច្បាស់ហើយពីអ្នកនាង ស្រីអូន ដែលល្បីល្បាញលើបណ្តាញសង្គមហ្វេសប៊ុក ទាក់ទងទៅនឹងសកម្មភាពមនុស្សធម៌របស់នាង ដែលជានិច្ចកាលតែងតែចំណាយថវិកាផ្ទាល់ខ្លួនជាច្រើន និងសម្ភារចាំបាច់មួយចំនួន ផ្តល់ឱ្យអ្នកដែលជួបការលំបាកខ្វះខាត ជាពិសេសគឺក្មេងៗកំព្រីកំព្រាដែលត្រូវរងការរំលោភបំពានផ្សេងៗ។
ថ្មីៗនេះអ្នកនាងស្រីអូនបានសម្តែងការហួសចិត្តជាខ្លាំង ក្រោយពីមានគេចង់ប្តឹងនាង ដោយហេតុផលគ្រាន់តែនាងជួយក្មេងៗសោះ ដោយបានសរសេរលើបណ្តាញសង្គមហ្វេសប៊ុករបស់ខ្លួនថា «គ្រាន់តែជួយក្មេងចង់ប្ដឹងខ្ញុំដែរ? ពិភពលោកនេះប្លែកៗម្ល៉េះ? ពិភពលោកនៃការសម្ដែង ការយកមុខមាត់»។ ក្រោយពីបង្ហោះសារបែបនេះ រួចក៏មានអ្នកគាំទ្ររបស់នាងជាច្រើន បានចូលមកខមិនសម្តែងការហួសចិត្ត សួររកមុខថាតើនណាគេអីក៏សាហាវម្លេះ? អ្នកខ្លះថា «មិនយល់ទេជួយដោយឆន្ទៈ លះបង់ថវិកាផ្ទាល់ខ្លួន ជួយដោយបេះដូង ចង់ប្តឹងពីបទអ្វីដែរចា»។
ទាក់ទងទៅនិងបុគ្គលដែលមានចិត្តចង្អៀតចង្អល់ ចង់ប្តឹងអ្នកនាងស្រីដោយហេតុផលរាក់កំផែលបែបនេះ យើងក៏មិនទាន់ដឹងដូចគ្នា ព្រោះសមីខ្លួនមិនទាន់បង្ហាញពីអត្តសញ្ញាណបុគ្គលនោះនៅឡើយ៕ ដោយ៖ កូលាប ក្រហម