ភ្នំពេញ៖ ស្នងការដ្ឋាននគរបាលរាជធានីភ្នំពេញបានឲ្យដឹងថា នៅថ្ងៃទី៣០ ខែតុលា ឆ្នាំ២០២០ វេលាម៉ោង ១១និង០០នាទីមានករណីឆ្លងចរន្តអគ្គិសនីបង្កជាអគ្គិភ័យ ឆាបឆេះនៅចំណុចហាង ជី រ៉ាន គ្រឿងសមុទ្រ សាច់គោ និងស៊ុបឆ្នាំងភ្លើង ផ្សារចិន ផ្លូវ៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមការសន្និដ្ឋានរបស់ការិយាល័យបង្ការពន្លត់អគ្គិភ័យ រាជធានីភ្នំពេញ ថាការឆាបឆេះនេះ បណ្តាលមកពីការឆ្លងចរន្តអគ្គិសនី និងបានប្រើរថយន្តពន្លត់អគ្គិភ័យអស់ចំនួន៥គ្រឿង ដោយប្រើប្រាស់ទឹកអស់១គ្រឿង (រថយន្តរបស់កោះពេជ្រ៣គ្រឿង រថយន្តរបស់ការិយាល័យបង្ការនិងពន្លត់អគ្គិភ័យរាជធានីភ្នំពេញចំនួន២គ្រឿង) ។ សម្ភារខូចខាតមានតុឈើ១ ។
អគ្គិភ័យត្រូវបានពន្លត់ចប់សព្វគ្រប់នៅវេលាម៉ោង ១១និង៣០នាទីថ្ងៃខែឆ្នាំដដែល ៕ ដោយ៖បញ្ញាស័ក្តិ