ភ្នំពេញ៖ បើតាមការបង្ហោះរបស់អ្នកលេងបណ្តាញសង្គមកាលពីថ្មីៗនេះបានឱ្យដឹងថា ដោយសារមានសុខភាពខ្សោយស្ត្រីខាងលើ បានស្លាប់ក្រោយពីសម្រាលកូនរួច ទាំងមិនទាន់បានមើលមុខកូនផង បន្សល់ទុកនូវអនុស្សាវរីយ៍ជាច្រើនរាប់មិនអស់ រួមជាមួយកូនតូចទើបនិងកើតឃើញពន្លឺថ្ងៃឱ្យស្វាមីជាទីស្រឡាញ់មើលថែរតែម្នាក់ឯង។
ចំណែកឯស្វាមីបានត្រឹមដង្ហោយហៅភរិយាជាទីស្រឡាញ់ ជាមួយនិងការរៀបរាប់យ៉ាងឈឺផ្សាថា «ឬមួយដូចពាក្យអូននិយាយពិតមែន “បងជំពាក់កម្មអូន បងត្រូវសងអូនក្នុងជីវិតនេះដោយការស្រឡាញ់ មើលថែគ្រប់បែបយ៉ាង” តែនេះមិនទាន់បាន១០ឆ្នាំផង ហេតុអ្វីបានចង់ឲ្យបងឈប់ត្រឹមនេះ កុំព្យាយាមចាកចេញទៅ ហើយទុកឲ្យបងរស់នៅជាមួយអនុស្សាវរីយ៍ បងមិនចង់ទេ បងចង់រស់នៅជាមួយអូន ប្រពន្ធជាទីស្រឡាញ់ ប្តីស្រឡាញ់ប្រពន្ធខ្លាំងជាទីបំផុត ហើយស្រឡាញ់អូនរហូតណាម្ចាស់ជីវិតបង អូនជាបេះដូងបងជានិច្ចប្រពន្ធជាទីស្រឡាញ់ សូមឲ្យអូនមានសុខភាពល្អរឹងមាំឡើងមកវិញមក ។
គួរបញ្ជាក់ថា ស្វាមីភរិយាខាងលើ ត្រូវបានអ្នកលេងបណ្តាញសង្គមជាច្រើន បង្ហាញការសោកស្តាយតក់ស្លុត និងអាណិតអាសូរជាពន់ពេក ដោយសារកន្លងមកស្វាមីភរិយាមួយគូរនេះស្រឡាញ់ខ្លាំងណាស់។ ជាពិសេសស្វាមីរបស់ស្ត្រីរងគ្រោះ ដែលជានិច្ចកាលតែងតែបង្ហាញនូវក្តីស្រឡាញ់ និងការបំពេញតួនាទីជាស្វាមីដ៏ល្អម្នាក់ចំពោះប្រពន្ធ មិនគួរណាព្រហ្មលិខិតមិនប្រណីមកបំបែកបំបាក់គ្រួសារដ៏កក់ក្តៅមួយ ឱ្យព្រាត់ប្រាស់បែបនេះសោះ៕ ដោយ៖ កូលាប ក្រហម
