ស្រុកកំពង់សីលា៖ បុរសម្នាក់ត្រូវបានសមត្ថកិច្ចកងរាជអាវុធហត្ថស្រុក សហការជាមួយកម្លាំងអាវុធហត្ថស្នាក់ការសន្តិសុខ៤០២ ឃាត់ខ្លួនក្រោយធ្វើសកម្មភាព ប្រើកាំបិតបុ័ងតោចូលទៅគំរាមប្លន់ កន្លែងវីងវេរលុយនៅ ភូមិស្ទឹងច្រាល ឃុំអូរបាក់រទេះ ស្រុកកំពង់សីលា ខេត្តព្រះសីហនុ កាលពីម៉ោងជិត៧យប់ថ្ងៃ២៩តុលា២០២០។
ជនសង្ស័យ ឈ្មោះ ខន ម៉ៅ ភេទប្រុស អាយុ៣៣ឆ្នាំ ឈ្មោះហៅក្រៅ( ម៉ៅ ) ចំណែកជនរងគ្រោះ ឈ្មោះ អ៊ុំ ចន្ធី ភេទស្រី អាអាយុ៣៩ឆ្នាំ មានមុខរបរភ្នាក់ងារវីងវេរលុយយីហោហុង រ៉ា រងរបួសកំភួនដៃខាងធ្វេង និងភ្លៅខាងឆ្វេង ដោយសារជនសង្សយ័កាប់នឹងកាំបិតបុ័ងតោ ។
បើតាមសមត្ថកិច្ចថា ក្រោយការចង្អុលបង្ហាញពីជនរងគ្រោះ និងសួរនាំតាមនិតិវិធីជនសង្ស័យ បានសារភាពថាខ្លួនពិតជាបានធ្វើសកម្មភាពប្លន់យកលុយ ពីជនរងគ្រោះកន្លែងវីងវេរលុយពិតប្រាកដមែន ក្នុងវត្ថុតាងដកហូតរួមមាន ៖ លុយចំនួន ៥.០៩៨.៥០០៛ (ប្រាំលានប្រាំបួនម៉ឺនប្រាំបីពាន់ប្រាំរយរៀល) កាបូបខ្មៅ ចំនួន០២ (កាបូបតូចព៌ណខ្មៅ ០១ ,កាបូបដាក់ខោអាវ ០១ ) ។ លោហធាតុព៌ណលឿង ១ខ្សែមួកពណ៌ខ្មៅ ម៉ាកPedro មួយ កាំបិតបុ័ងតោ ០១ កៅស៊ូអាវភ្លៀង ០១ (ពាក់ធ្វើសកម្មភាព) ម៉ាស់ ០១ ខោជើងវែងព៌ណ គគី ម៉ាក Lee ០១ (ពាក់ធ្វើសកម្មភាព) អាវកីឡាដៃខ្លី ពណ៌ទឹកប៊ិច ចំនួន ០១ (ពាក់រុំក្បាលធ្វើសកម្មភាព) ៕
ដោយ៖បញ្ញាស័ក្តិ