ភ្នំពេញ៖ ក្រុមការងារខណ្ឌពោធិ៍សែនជ័យ ចុះបាញ់ថ្នាំ ជូនបងប្អូនប្រជាពលរដ្ឋ រុះរើ សំណង់ សាងសង់លើដីសាធារណៈ និង ចិញ្ចើម ផ្លូវថ្មើរជើងក្នុងបុរី ពិភពថ្មីត្រពាំងថ្លឹង។
សេចក្តីជូនដំណឹង របស់រដ្ឋបាលខណ្ឌពោធិ៍សែនជ័យ សូមជម្រាបជូនដំណឹងដល់បងប្អូនប្រជាពលរដ្ឋ និង អាជីវករ ដែលមានលំនៅដ្ឋាន ការដាក់តាំងស្លាកយីហោខុសច្បាប់ សំយ៉ាបផ្ទះ របង និងសំណង់ផ្សេងៗ ស្ថិតនៅបុរីពិភពថ្មី ( ត្រពាំងថ្លឹង ) ភូមិត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ រាជធានី ភ្នំពេញ ឱ្យបានជ្រាបថាៈ រដ្ឋបាលខណ្ឌពោធិ៍សែនជ័យ បានសង្កេតឃើញថាបងប្អូនប្រជាពលរដ្ឋ និងអាជីវករ បានសាងសង់សំយ៉ាបផ្ទះ និងសំណង់ផ្សេងៗរំលោភមកលើប្រព័ន្ធលូបង្ហូរទឹក និងចិញ្ចឹម ផ្លូវសាធារណៈដែលស្ថិតនៅទីតាំងខាងលើ បានបណ្តាលឱ្យមានការកកស្ទះចរន្តទឹក និងប៉ះពាល់ដល់ សោភ័ណភាពសុវត្ថិភាពសាធារណៈ។
ដូច្នេះ ស្នើបងប្អូនប្រជាពលរដ្ឋ និងអាជីវករ ដែលមានលំនៅដ្ឋាន សំយ៉ាបផ្ទះ របង ការដាក់ តាំងស្លាកយីហោ ប៉ាណូខុសច្បាប់ និងសំណង់ផ្សេងៗដែលបានសាងសង់រំលោភលើប្រព័ន្ធលូបង្ហូរទឹក និងចិញ្ចើមផ្លូវសាធារណៈ ត្រូវរុះរើចេញឱ្យផុតក្នុងរយៈពេល១០ថ្ងៃ ដោយគិតចាប់ពីថ្ងៃទទួលបាន សេចក្តីជូនដំណឹងនេះតទៅ។
ក្នុងករណី លោក នឹងមានវិធានការ /លោកស្រី មិនអនុវត្តតាមខ្លឹមសារសេចក្តីជូនដំណឹងនេះទេ រដ្ឋបាលខណ្ឌ ចុះរុះរើ ដោយមិនទទួលខុសត្រូវលើការបាត់បង់ ខូចខាតទ្រព្យសម្បត្តិ និងសម្ភារផ្សេងៗ ដែលមាននៅលើទីតាំងនោះឡើយ។
រដ្ឋបាលខណ្ឌពោធិ៍សែនជ័យ សង្ឃឹមជឿជាក់លើ លោក/លោកស្រី បងប្អូនប្រជាពលរដ្ឋ និងអាជីវករទាំងអស់នឹងអនុវត្តតាមខ្លឹមសារសេចក្តីជូនដំណឹងនេះជាពុំខានឡើយ៕ ដោយ៖បញ្ញាស័ក្តិ