សៀមរាប៖នៅថ្ងៃទី ៣០ តុលា ២០២០វេលាម៉ោង៧និង៣០នាទីព្រឹក សមត្ថកិច្ចចាប់បានឃាតករម្នាក់ជាកូនចិត្តតិរច្ឆាន ដែលវាយឪពុកបង្កើតបណ្ដាលឲ្យស្លាប់ នៅភូមិល្វា ឃុំមោង ស្រុកស្រីស្នំ ខេត្តសៀមរាប ។ ក្រោយចាប់ខ្លួនជនសង្ស័យបានសារភាពថា ខ្លួនពិតជា បានវាយឪពុកបង្កើតពិតប្រាកដមែន។
កម្លាំងនគរបាលចាប់ខ្លួនពាក់ព័ន្ធករណីឃាតកម្មនេះ នៅថ្ងៃទី៣០ខែតុលាឆ្នាំ២០២០ នេះនៅត្រង់ចំណុចខាងកើតភូមិកើតហេតុ ចម្ងាយ១០០០ម៉ែត្រ ដោយកម្លាំងប៉ុស្តិ៍រដ្ឋបាលមោង ដឹកនាំប្រជាការពារ និងសហការ កងរាជអាវុធហត្ថស្រុក។ ករណីឃាតកម្ម នេះបានកើតឡើតនៅភូមិល្វា ឃុំមោង ស្រុកស្រីស្នំ ខេត្តសៀមរាប កាលពីថ្ងៃទី២៨ ខែតុលា ឆ្នាំ២០២០ វេលាម៉ង៩និង៣០នាទី។
ជនដៃដល់មានឈ្មោះ ធឿន ធីន អាយុ៣៧ឆ្នាំ នៅភូមិល្វាឃុំមោង ស្រុកស្រីស្នំ ខេត្តសៀមរាប។ ជនរងគ្រោះ មានឈ្មោះ ថូ ធឿភេទ ប្រុសអាយុ៦១ឆ្នាំ ត្រូវជាឪពុកបង្កើតរបស់ជនសង្ស័យមុខរបរ កសិករ រស់នៅភូមិល្វា ឃុំមោង ស្រុកស្រីស្នំ ខេត្តសៀមរាប។
នៅថ្ងៃកើតហេតុ ជនសង្ស័យបានខឹងឪពុកថាឲ្យបន្តិចបន្តួច ម្តេចក៏ដេកយូរម្ល៉េះ ជនសង្ស័យឮក៏ស្ទុះទៅយកដំបងជ្រុងទៅវាយឪពុកពីក្រោយ ចំនួន២ដំបង សន្លប់នៅនិងកន្លែងកើតហេតុ។ ជនរងគ្រោះ ត្រូវបានអ្នកសាច់ញាតិ ដឹកទៅមណ្ឌលសុខភាពមោងឃុំមោង ស្រុកស្រីស្នំ ខេត្តសៀមរាប ហើយក៏បញ្ជូនបន្តទៅសង្គ្រោះមន្ទីរពេទ្យបង្អែកស្រុកក្រឡាញ់ ខេត្តសៀមរាប រហូតដល់វេលាម៉ោង ១០ និង ៣០នាទី ទើបស្លាប់។ ចំណែកឯជនសង្ស័យជាកូន បានរត់គេចខ្លួនបាត់៕ ដោយ៖បញ្ញាស័ក្តិ